Mąątɛ̨nɛ̨ 95 - Yálá laawoo hɛɓɛ (dc)'Ka gu gu ɲąąkpɔn Yálá lííla 'gu vɛli 1 'Ka pa, 'ka gu tómą a kwəinɛ̨ɛ̨ Yai-Laa pɔ pələ. 'Ka gu gu yee lɔwa gu ɓalo kwɛni ɓa. 2 'Ka gwə li niila, guɔ ɉɛɠɛɛɓo, 'ka gu gu yee lɔwa, 'ka gu hvɛ́li pɛlɛ gɔwɔ mu. 3 Mąąhɔlɔɓo, Yai-Laa kaa a Yálá kɛnɛ̨, a Heeɓomun gɛnɛ̨ yáláɠaa kəlee diɛ. 4 Lɔi mu ɓoloonŋaa kaa ɲəi, yee tonnaɠaa di ɓo a bɔɔ. 5 Gboloyá ə ɓo a nwɔɔ, ya ɓə naa, ə lɔi kpalan bɛli lɔ nwɔ̨nɔ̨ a ɲee. 6 'Ka lɔ! 'Ka gu gu mąą pɛlɛ, 'ka gu kwɛli hvilɛn mą. 'Ka gu pu gu kpəlin na, gu pɛli Yálá, Yai-Laa lii la! 7 Mąąhɔlɔɓo gu wɔ Yálá li, gu kaa a nu huwui a ɲąąkɔn, a daatɛlɛɛ kpului a ɲɛ̨i kɛ mą. Əgɛ, háákələi, ka nwoo mɛ̨n, 'ka bɔ mɛ̨nį kɛ! 8 'Ka hvo ka kili wala wala yɛ bələi ka gɛ la Meriba lɔi hu, yɛ ɲələi ka gɛ la Masa, nɔi pun ɉu. 9 Ɓɛi ka nąnni di tɔɔ laa ná, diɛ ɉú kɔ́ɔn, ya pa daa kɛ gáá gɛ́ mɛ̨nįɠaa hu. 10 Kwɛlan bow nąąn ɲeemu, nu huwui tii kun ə hee ɉú, ya ɓə ŋį́ kɛ diɛ: «Nu huwui ɲɛ̨i kiliŋąhiɛ pələ aa bələ lɛɛ, di hvo nwɔ́ pələɠaai kɔ́lɔn ni.» 11 Ya ɓə, níiholi pələ, ŋį́ gwɛ́la, gɛ́ diɛ: «A tɛ̨ą, di hvo pai lɔi nwɔ́ hviitɔɔi hu!» |