Mąątɛ̨nɛ̨ 93 - Yálá laawoo hɛɓɛ (dc)Yálái nwɔ mąąwiɛ kɛnɛ̨ 1 Yai-Laa ɓə a Heeɓomun, mąąɲįnɛ̨n mə a mąąhəɠə! Yai-Laa aa mąąyili, aa ɉuyili a huwalawalalaa. A tɛ̨ą lɔi tɔɔi kpɔ tin tumun və mą. 2 Ə həɠə gɔwɔ tɔɔ yələ ɓa, ə́ wɔ tɔɔkpəlin hvilɛn ŋąą kpɔ gbilin, wɔlɔ-wɔlɔ ɓa wɔlɔ-wɔlɔ ɓa, Yɛ́ lɔ ɓə laa. 3 Yáɠaa daa hvɛɛ, Yai-Laa, yáɠaa daa hvɛɛ, di huluun nwoo huwia; yáhvɛɛɠaa hvuluun din ɲąąnwąnąą. 4 Kɛlaa, Yai-Laa kɛnɛ̨ɛ̨i ɲáhvɛɛɠaa hvuluun nwoo ɓa, dɛɛi gboloyá huluun nwoo kəlee ɓa; Yai-Laa kɛnɛ̨i yələkwəi hɛn gəlee ɓa! 5 Ə́ wɔ tɔ́n nwooɠaai kaa a tɛ̨ą, hva ɉəɠə mą, mąą hva hvalin, Yai-Laa! Mąąhəɠəlaa kaa a yɛ́ bɛlɛ́i mąą hon ɉɛn, a yələ kəlee mɛ̨nį. |