Mąątɛ̨nɛ̨ 87 - Yálá laawoo hɛɓɛ (dc)Siɔn kaa a lɔiɠaa kəlee nwun dɔɔi 1 Kore lonnii di wɔ hvɛli woo, wɛlikɛmąą wələ. 1 Kore lonnii di wɔ hvɛli woo, wɛlikɛmąą wələ. Yái-Laa ə Siɔn tɔɔ yee mąąhəɠɛɛ nwuɔ̨. 2 A nwɛlila kɛ, dɛɛ Ɉakɔbə nwɔ pɛlɛ́ɠaai kəlee diɛ. 3 A kɛ mɛ̨nįɠaa hu kulɔi a ə́ laa, a ə́ ɲɛ̨i pono mɛ̨nįɠaa, yɛ́i a Yálá nwɔ taai! 4 Gɔ́lɔ́n nuą lɔwai, ŋą́ Rahavə, Babilonə di laa ɓo. Da kɛ diɛi: Di nu yii kaa Filisti lɔi hu, di yii kaa Tirə lɔi hu, a wala kɛ tii Nubi lɔi hu. 5 Kɛlaa, yii ɓaa Siɔn nwɛi, di kaa pai kɛi mą: «Nąą ɓə di nu kəlee kaa laa, ɛlɛɛ, Hɛn Gəlee Mɛ̨i mun mə nwulu hvilɛn kpilin!» 6 Yai-Laa a yili pɛ̨ɛ̨ nuą lonon hɛɓɛ́ hu; yɛ kɛ diɛ: «Ɓɛ yii ɓə di nu yii hɔlɔɓo laa», 7 Kɛlaa, da kɛ wələ tooi diɛ mąną, diɛ kɛ diɛ: «Ku kəlee ku nwun dɔɔi ɓaa a yɛ́!» |