Mąątɛ̨nɛ̨ 82 - Yálá laawoo hɛɓɛ (dc)Yálá a tələnmolaa mąąkɔ̨nwɔ̨ 1 Asafə nwɔ Yálá hvɛli woo. 1 Asafə nwɔ Yálá hvɛli woo. Yálá aa haŋą aa tɔɔ yáláɠaa di wɔ ɲąąkpɔn ɉu. Gaa kiti teei yáláɠaa hąąi. 2 Yɛ kɛ diɛ: «Ka ka pai lɛɛi kiti teei a hvúlu, ə lɛɛ ɉu lə yələ, Kaa tɔɔ hɔn mąą nuą pulu? 3 Nui ɲee hva lɔ, da təlilon, 'ka di mąą mɛ̨nį ɓo a ɉaŋąą, nui hɛn və ɲəi, 'ka di mąą tɛ̨ą ɓo. 4 'Ka yeehowolo mun da nui hvaŋą hvo ɲəi di hvólóon na ɓo, 'ka di kulɔ mɛ̨nį ɲɔ̨n gɛ nuą yəi. 5 Kɛlaa, di hvo mɛ̨nį ta kɔ́lɔn, mɛ̨nį kpaɠala hvo diɛ, di kaa kpinį hu, lɔi kɔwɔ hvilɛn ɉɛn kəlee daa kɛ yɛɠɛ yɛɠɛ a di laa pɔɔ. 6 «Gáá kpɔ moi kaa: yáláɠaa ɓaa a kaa, ka káá kpɔ a yələkɔlɔn ɉu Yálá lonnii. 7 Kɛlaa ə mą kɛ tii, ka káá pai haai lɔ yɛ nu kəlee, ka káá pai tooi kpɔlɔ yɛ tɔɔɓɛlaa lonnii.» 8 'Ə́ muhəɠə Yálá, kɛ a lɔi kiti tee mun, mąąhɔlɔɓo lɔiɠaa kəlee kaa a ə́ yəi hɛn. |