Mąątɛ̨nɛ̨ 75 - Yálá laawoo hɛɓɛ (dc)Yálá ɓə a kiti kəlee Nąmu 1 Nwələ ɲɛ̨itɔwɔmun. Nwələi da kɛ mą: «'Hvo ɉu kala.» Asafə nwɔ hvɛ́li woo. 2 Yálá, ku kaa ə́ laa tɛi, ku kaa ə́ laa tɛi, mąąhɔlɔɓo, Ə́ mąą lɛɠɛɛi kuɔ, kuɔ Ə́ kɛ mɛ̨nį kpɛa-kpɛaɠaa hu kulɔ 3 Yálá yɛ diɛi: Guui ŋą́ dɔɔ, ɲələ a ɉəlii, ɲą́ą́ gbinįi ɓə ŋą́ kiti kpɔ kpɔɔ tee tɛ̨ą pələ mɛ̨i. 4 Lɔi kaa pai heɠeen ɉii, da ɉu nuą. Ɲą́ą́ hvəi mɔ̨ɔ̨ naa? 5 Nuąi da kɛ di nwun dɛi, ŋį́ kɛ diɛi: «'Ka wɔ nwun dɛi aa kpɛɛ!» Nuąi di hvo Yálá kɔ́lɔn, gɛ́ diɛ: «'Ka hvo kɛa ka nwun dɛ! 6 'Ka hvo kɛa ka nwun dɛ tii, a mąą wala walaa, 'ka hvo kɛa hvaa tii, ka nwun dɛɠii.» 7 Nu kpɔwɔ hɔlɔɓo mɛ̨nį, hva həɠə hvóló ɓɛlai bələ, hva həɠə hvoló tooi bələ, hva həɠə lɔi pun ɉu pələ. 8 Yálá ɓə a kiti tee, yaa lɔ ɓə a nu mąą yɛɛ, yɛ nu nwun muhəɠə. 9 Yai-Laa nwɔ lɔɔ kɔ́wɔi kaa ɲəi, yɛ nɛ̨n, gbəiyɛ, gaa pai dɔɔi nɔi hu nu kan ɲɔ̨nwɔ̨ɔ̨ɠaa kəlee la, diɛ gbələ, diɛ gbo kəlee kpələ. 10 Ɲą́ą́ nwɛ́i, gáá pai kɛi Ɉakɔbə Yálái laa tɛi a yələ kəlee, gɛ́ wələ too mą. 11 Gɛ́ kɛ diɛi: «Nuąi kpɔ di hvo Yálá pɔ, ŋą́ gəlee mįnɛ̨ mɛ̨i yali, tələnmomun nwɛi, mįnɛ̨ a lɛɛ tɔɔni dəndən.» |