Mąątɛ̨nɛ̨ 67 - Yálá laawoo hɛɓɛ (dc)Huwu kəlee di Yálá laa tɛ, hihɛnŋąą lɛlɛ mɛ̨nį ɓa 1 Nwələ ɲɛ̨itɔwɔmun, gwɛnįn vɛli. 2 Yálá, 'ku mąąwɛli kaa, ə́ lúwɔ́ too kuɔ! 'Ə́ ə́ ɲɛ̨i lɛlɛɛ hee kuɔ 3 Əgɛ, nuą di ə́ wɔ pələi kɔ́lɔn, ɓɛ yɛnɛ̨ɛ̨, bələi ə́ ku ɓalo la, diɛ gbaɠala kaa lɔi kəlee hu. 4 Nu kanŋaa di 'ə́ hɛɠɛɛɓo, Yálá! Nu kanŋaa, 'di pɛlɛ di kee ɓa, 'di ə́ hɛɠɛɛɓo! 5 Yɛnɛ̨ɛ̨ nuą 'di kɛ kwəinɛ̨ɛ̨ hu, mąąhɔlɔɓo, yá nu huwuɠaa ɲąąwooɓo a tələnmolaa, yɛ́ lɔiɠaa taalə tɔɔ yɛnɛ̨ɛ̨ ɓɛ. 6 Nu kanŋaa 'di ə́ hɛɠɛɛɓo, Yálá! Nu kanŋaa kəlee 'di pɛlɛ di kee ɓa, diɛ ə́ hɛɠɛɛɓo. 7 Lɔi aa hihɛnŋaa ɲąąnɛ̨ɛ̨, daa ɓa, Yálá, a ku wɔ Yálái aa lúwɔ́ too kuɔ. 8 Yálá 'ə lúwɔ́ too kuɔ, ɛlɛɛ, lɔi pilɛɛ gee mɛ̨i, 'ə ɲɔw mą! |