Mąątɛ̨nɛ̨ 6 - Yálá laawoo hɛɓɛ (dc)Hɔn gɛɛ pulu nɛ̨ɛ̨mąąhvə hvɛli woo 1 Nwələ ɲɛ̨itɔwɔmun; Davidə nwɔ wələ woo. Ə doo a gwɛnįn ɲɛli kɛɛ ɲą mɛ̨ihaaɓa. 2 Yai-Laa, 'hvo ɉútɔɔ a ə́ líiholiɛ ə́ kwəi, 'hvó hąŋąn mą́ą́, a ə́ líikələnŋąą ə́ kwəi. 3 Yai-Laa, 'mą́ą́wɛli kaa, ŋą́ą́ kpɔlɔɔn, Yai-Laa, málo, ɉúwɔ kəlee kaa lɔ kpɛlinɉii mą́ą́ ɉɔ̨ɔ̨! 4 Ɉú kaa kpɛlin ɉi, Kɛlaa, Yai-Laa, yɛ́ ə lɛɛ ɉu, mįnɛ̨ lɔwai ə ɉəli la? 5 Yai-Laa, 'pənə ə́ pa, ə́ nį́į́ kulɔ mɛ̨nįi, 'málo, mąąhɔlɔɓo, yá kulɔ ə́ woo ɓa. 6 Hvo gaai, haamun va kɛa pɛli giliŋąhiɛi yɛ vilɛn yɛ́, gbɛɛ ɓə pai ə́ laa mąąwiɛi ɲąmuątaa? 7 Ŋą́ą́ kpɔlɔɔn, ɲį́ŋɛ̨ pələɓa, kpinį tɛi tɛi yeemu, ŋą́ nwɔ́ gbin yɔwɔ a ɲɛ̨́iyá, ɲɛ̨́iyá kpoloon yɛ laa ɲə́i gbin ɲą. 8 Ɲɛ̨́ikɔw aa mɔ̨n nwún ɉu, a wɔlɔ, mɔ̨nɔ̨ ɓonuą kəlee kaa tɛɠɛɓoi ɉú. 9 'Ka həɠə gwɛ́lɛ, kaai kpɔ a mɛ̨nį ɲɔ̨n gɛ nuą, gbala ə tɔɔ, Yai-Laa aa nwɔ́lɔ woo mɛ̨n. 10 Yai-Laa aa nwɔ́ nɛ̨ɛ̨mąąhvə woo mɛ̨n, Yai-Laa aa ɲee hee nwɔ́ hvɛli wooi mu. 11 Ɲówoɠaa kəlee, ɲɛ̨i ə paa, di hu ə pu diɛ, di ɲɛ̨i ə paa a nwumɛ̨, nwumɛ̨, di tɛɠii, di li a di pulu pələ! |