Mąątɛ̨nɛ̨ 58 - Yálá laawoo hɛɓɛ (dc)1 Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ. 2 Ka hvaa woo a tələnmolaa hvinatɔn, kaai a nukaŋąą, ka kɛ mɔ̨ɔ̨ nu lonnii kiti teei a ɉąŋąą? 3 Kpələ-o! Ká kɛ giliɓo, kaa piɛn doo mɛ̨nįɠaa kɛ, ɓɛ yɛnɛ̨ɛ̨, ka kɛ wea mɛ̨nį huwu ɲąątɔɔi, a ka kɛ mɛ̨nįɠaa. 4 Nwąnąlɔ nuą da ɲɔ̨n gbɔlɔ di mąą koo həɠəi lɔwai, lɛɛ nuą da həɠə kpɔlɔ pələ mɛ̨i di kaai lɔwai. 5 Di nwąną kaa di hu yɛ kaalə, Di kaa yɛ kaalə wəli wolɔɔ, diɛ di yee lɔ di wəlii. 6 Əgɛ, di hvo pa ləi gaalə-ɉowomun nwoo mąn, ə mą kɛ ɉowomun nwəlɛɛi nwɔ ɉowolaa ɓa. 7 Yálá! 'Di ɲįn ɲali di la, Yai-Laa, ɲalaɠaai tii laa wolo. 8 'Di lɛɛ kpɔ kpɛli kpɛli yɛ tɛɛyá, di kɛ yɛ kala tiliin da ɓɔlɔɔn mɛ̨i, yɛ yohva. 9 'Di kɛ yɛ kwələn, yai nɛaya a kɛ lɔ yɛɛi ɉɔɔ, 'di hvo hvóló kaa, yɛ nɛ̨ɛ̨nu yəi kala-lon. 10 Gɛɛ ka wɔ ləɠiɠaa di hvo nwɔ̨n nən daŋą, ka kɛ nii a ka nwunu, ka pɔlɔ, líiholi kɛnɛ̨ɛ̨ a ka hu kala! 11 Tələnmolon, a nwąną kulɔi kaa, gaa pai kɛi kwəinɛ̨ɛ̨ kulɔi, gaa pai gɔwɔ mąą waai nu ɲɔ̨nŋaa ɲąmą hu. 12 Ɛlɛɛ, nuą kaa pai kɛi diɛ, «A tɛ̨ą, Tələnmolon a ɓa lɛlɛɛ ɓo, a tɛ̨ą, Yálá kaa laa, yɛ kiti tee yɛnɛ̨ɛ̨ ɓɛ.» |