Mąątɛ̨nɛ̨ 54 - Yálá laawoo hɛɓɛ (dc)1 Nwələ ɲɛ̨itɔwɔmun, gwɛnįn nwələ, Davidə nwɔ wələ. 2 Ɓɛlɔwai Zifə nuą di paa la, diɛ kɛ Saulə ɓa: «Kɛlɛi Davidə kaa lɔ ɓɛ gu lɔwai noo pələi!» 3 Yálá, 'ə́ laa mąą mɛ̨nį ɓa, málo, nwɔ́ tɛ̨ą mɛ̨nį kulɔ pɔ̨nɔ̨ ŋą a ə́ wɔ kuláálaa. 4 Ee kə Yálá! 'Ə́ wəli tɔɔ nwɔ́ hvɛli woo ɓa, 'ə́ wəli mąą laŋąn váá woo ɓa. 5 Mąąhɔlɔɓo, nwɛ̨ąą daa wolo mą́ą́, wɛa nuą diɛ báá pələ kwɛli; Yálá mɛ̨nį hvo di wɔ kiliŋąhiɛ hu. 6 Nwɛ́i, Yálá ɓə gaa a nwún mąąɓomun, nuąi da búlu tɔɔɓo, Ną́mu kaa di pɔ. 7 Nuąi da kɛ mą́ą́hɛn ɉii, mɛ̨nį ɲɔ̨nwɔ̨ɔ̨ ə yɛɛ a di nwun, Di hukala, a ə́ wɔ tɛ̨ąi. 8 Gáá pai halááɠaa kulɔi yɛ́ a gwə́inɛ̨ɛ̨ pələ, Yai-Laa, gáá pai ə́ laa tɛi, mąąhɔlɔɓo yili lɛlɛɛi. 9 Aa gúlɔ níikələn gwəi mɛ̨nį kəlee hu, gɛ́ gɔ́n gbəlaan a ɲówoɠaa. |