Mąątɛ̨nɛ̨ 47 - Yálá laawoo hɛɓɛ (dc)Ka ka yee lɔwa Dɔɔmun gɛ̨nɛ̨i ɓa 1 Nwələ ɲɛ̨itɔwɔmun, Kore lonnii di wɔ wələ. 2 Nu kanŋaa, 'ka ka yee lɔwa, 'ka tómą Yálá pɔ pələ a kwəinɛ̨ɛ̨. 3 Mąąhɔlɔɓo Yai-Laa, Hɛn gəlee mɛ̨i mun, mąą ɲɔwuɔ ɓə, yaa ɓə a Heeɓomun gɛnɛ̨, lɔi nąą kəlee mɛ̨i. 4 A nu huwuɠaa lɔ ku yee mu, yɛ nukanŋaa pɛlɛ ku kɔ́wɔ mu. 5 Ə ku kwɛlin nɔi kulɔ ɉu a dee, niiɓamun Ɉakɔbə ɲɛ̨i pɔ̨nɔ̨ mɛ̨nį li. 6 Yálá kaa tɛi, diɛ di yee lɔwa mą, Yai-Laa kaa tɛi, tulu yɛ hvaa. 7 'Ka wələ too Yálá ɓa, 'ka doo! 'Ka hvɛli kɛ gu wɔ tɔɔmun ɓa, 'ka gɛ kpɔ! 8 Mąąhɔlɔɓo, lɔi kəlee nwɔ Heeɓomun ɓaa a Yálá. 'Ka nɛ a wələ woo. 9 Yálá kaa heeni lɔiɠaa nwun mɛ̨i, Yálá aa hee nwɔ tɔɔkpəli mąąhəɠɛɛi hu. 10 Tɔɔɓɛlaa daa di ɲąąkpɔn, Abrahamə nwɔ Yálái nwɔ nu huwui li. Mąąhɔlɔɓo, yɛnɛ̨ɛ̨ tɔɔlaa kəlee kaa Yálá yəi, a yai gaa hɛn gəlee nwun mɛ̨i. |