Mąątɛ̨nɛ̨ 3 - Yálá laawoo hɛɓɛ (dc)Davidə kaa pui non Absalɔn tɔwɔ 1 Nwələi Davidə ə kɛi doo, gɛɛ pui non Absalɔn tɔwɔ. 2 Ee kə! Yai-Laa! Mɔ̨nɔ̨ɓo nuą tamąą ɓə-ee! Nuąi daa di muhəɠə bɔ́ a kɔ́, di kpulu kɛnɛ̨ ɓə-ee! 3 Nuąi mɛ̨nį ɓoi a náá, di tamąą ɓə, diɛ kɛ: «Malo mɛ̨nį hva pɛli həɠəi Yálá pɔ!» 4 Kɛlaa, Yai-Laa, yɛ́ ɓə a nwɔ́ kɔ́ kɔ́-gbala, yɛ́ ɓə a nwɔ́ ɲɛ̨i pɔ̨nɔ̨, yai a nwún mįhəɠə. 5 Gáá Yai-Laa təlii, a vą́ŋą kəlee, Aa lɛɛ nwɔ yee mąąhəɠɛɛi nwunɔ̨, aa nwóó mu hon. 6 Ɛlɛɛ ɲą́ą́n, ŋą́ laa, ŋą́ nwɔ́ yíi ɓo! Ŋą́ nwun! Yai-Laa ɓə a dɔ́ɔ́ bulu. 7 Nu kpulu kɛnɛ̨i kpɔ ɲɛ̨i daa mą́ą́ tinɛ̨n, və́ ɲɔwi diɛ. 8 'Ə́ muhəɠə, Yai-Laa! 'Málo, yɛ́i a nwɔ́ Yálá! Yɛ́i yá ɲówóɠaa kəlee laa lɔwa, ɛlɛɛ, yɛ́ nwąnąlɔ nuą ɲįn ɲali. 9 Yai-Laa ɓə a nu nwun gulɔ mɛ̨nįi, 'lúwɔ́ ə yɛɛ ə́ wɔ nu huwui mɛ̨i! |