Mąątɛ̨nɛ̨ 29 - Yálá laawoo hɛɓɛ (dc)1 Davidə nwɔ Yálá mąątɛ̨nɛ̨ wələ. 1 Davidə nwɔ Yálá mąątɛ̨nɛ̨ wələ. Kaai a Yálá lonnii, 'ka Yai-Laa nwɔ huwalawalalaa, da nwɔ mąąwiɛlaa noloɓo. 2 'Ka Yai-Laa laa mąąwia loloɓo, 'ka kwɛli hvilɛn Yai-Laa ɓa; 'ka nwɔ mąąhəɠə laa kɛnɛ̨ɛ̨i mąątɛ̨nɛ̨. 3 Yai-Laa woo aa hiɛ yá kəlee mɛ̨i, Yálá mąąwia kaa tomąi yɛ yələgbąnąą; Yai-Laa kaa heeɓolaa kɛi yá kpɛa kpɛa kəlee mɛ̨i. 4 Yai-Laa woo tɔɔi, Yai-Laa woo ɲąąnwąnąąi, 5 Yai-Laa woo a kpitiliɠaa yali, Yai-Laa woo a Liban kpitiliɠaa yali. 6 A gɛ, Liban yɛ pili yələi yɛ niŋɛ̨lon, Siriyon yɛ pili yələi yɛ lan non. 7 Yai-Laa woo a ɓɛla yɛ nwɔ̨n. 8 Yai-Laa woo a lɔi pun ɉu kpɛlin, Yai-Laa woo a Kadɛsə lɔi pun ɉu kpɛlin. 9 Yai-Laa woo a gɛ lomąɠaai kwəinwąną kɛi, di hu yɛ kpɛlin, yɛ wɛlaɠaa lɛan. Nwɔ pɛlɛ́ mąąhəɠɛɛ mu, nu kəlee da tomą, diɛ mąąwiɛ pələ laa tɛ. 10 Yai-Laa a heeɓolaa kɛ yánwąną mɛ̨i, Yai-Laa kaa a heeɓomun a yələ kəlee mɛ̨nį. 11 Yai-Laa kaa pai huwalawala tɛɛi nwɔ nu huwui pɔ, Yai-Laa kaa pai lúwɔ tooi nwɔ nu huwui ɓa liilaa hu. |