Mąątɛ̨nɛ̨ 24 - Yálá laawoo hɛɓɛ (dc)Hɛn Gəlee Nąmu kaa lɔi ɲəi bɛlɛ́n 1 Davidə nwɔ Yálá mąątɛ̨nɛ̨ wələ. 1 Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą! 2 Yaa ɓə lɔi kpalan naa gboloyá mɛ̨i, yɛ gɔwɔ hvilɛn gbilin ɲáɠaa mɛ̨i. 3 Gbɛɛ ɓə pai tɛi Yai-Laa nwɔ yeei ɓa? Gbɛɛ ɓə pai tɔɔi nwɔ kɛɛnąą mąąhəɠɛɛi ɓa? 4 Nui hɔn ɲɔ̨n və ɲee pɔ, nii hu mąąhəɠɛɛ, hva Yálá kɛ a kɛla lɛɛ mɛ̨nį hu, ɛlɛɛ, hva gwɛla nu ɓowo mɛ̨nį ɓa. 5 Mąą nu ɓə a lúwɔ́ hɔlɔɓo Yai-Laa yəi, yai gaa a nu malo Yálá, dələnmɔɔ. 6 Nuąi da gwɛlii, bələ ɓə, di huwu kaa la, Ɉakɔbə nwɔ Yálá! Ə́ ɲɛ̨ilai ɓə gáá gwɛlii. 7 Pɛlɛ́ɠaa, 'ka ka laaɓo! Tɔwɔ-tɔwɔ pɛlɛ́ɠaa 'ka ka laaɓo kpɔ gbagan! Mɛ̨nį kəlee ŋą Heeɓo-Yálá ə lɔ! 8 Ɉééɓomun tii ɓaa gbɛɛ? Ya ɓaa a Yai-Laa, ɉuwal-walaai, vaŋą kɛnɛ̨ɛ̨! Yai-Laa kulááɠaa di wɔ kúláá. 9 Pɛlɛ́ɠaa, 'ka ka laaɓo kpɔ gbagan! 10 Ɉééɓomun Mąąwiaa tii ɓaa gbɛɛ? Ya ɓaa a Yai-Laa, Huwalawala Kəlee Nąmu, Mɛ̨nį Kəlee ŋą Hééɓomun. |