Mąątɛ̨nɛ̨ 23 - Yálá laawoo hɛɓɛ (dc)Yai-Laa kaa a mɛ̨́i kaamun 1 Davidə nwɔ Yálá mąątɛ̨nɛ̨ wələ. 1 Davidə nwɔ Yálá mąątɛ̨nɛ̨ wələ. Yai-Laa ɓə a ɲą́ą́kɔnmun, hɛn da mąąkpaan va hee mą́ą́. 2 Kala tiliin nɛlɛɛ mɛ̨i ɓə a dɔ́ɔ́ laa, Liilaa yálon bɔ ɓə a li laa a ɲą́ą́. 3 Yɛ nį́ilɔ. Tələnmo pələ mɛ̨i ɓə a vílɛn naa, Naa mąąwiaa, mąą mɛ̨nį ɓa. 4 Ə mą kɛ, gáá hiɛi haa ɓoloon ɉu kpiɲɛ̨ɛ̨ hu, ɲɔwi lɔpee hva gɛ́, mąąhɔlɔɓo, ə́ kaa bɔ́, yɛ́ tunwɔ̨n, yɛ́ gbɔ́n, diɛ ɓə da nį́ilɔ. 5 Yá kɔ̨nɔ̨n ɉee nííla, ɲówóɠaa ɲɛ̨i ɓa. Yɛ́ mąątí wulɔ mąąkun nɛ̨ɛ̨ lɔ nwún ma, nwɔ́ lɔɔi vili yɛ yɛɛ a gbamą. 6 A tɛ̨ą, nwun na nɛ̨ɛ̨ da wɛlikɛmąąlaa di hvilɛnŋąąi bɔ́, nwɔ́ yɛnɛ̨ɛ̨ kəlee yee mu, ŋą́ lɔ Yai-Laa yəi bɛlɛ́n, ŋą́ hee laa nwɔ́ yɛnɛ̨ɛ̨ kəlee yee mu. |