Mąątɛ̨nɛ̨ 20 - Yálá laawoo hɛɓɛ (dc)1 Nwələ ɲɛ̨itɔwɔ mun. Davidə nwɔ wələ. 2 Yai-Laa ə ə́ woo mu hon a ɲələi ə́ lii a kələn na ə́ kwəi, Ɉakɔbə nwɔ Yálái laa ə ɲɛ̨i kɛ yɛ́! 3 Ə lɛɛ nwɔ pɛlɛ́ mąąhəɠɛɛi mu ə kpɔn ɲɛ́, ə lɛɛ Siɔn ə ɲee hee ə́ mu. 4 Ə gili lɛɛ ə́ wɔ Yálá kɔ́ hɛnŋaa kəlee hu, yɛ́ haláái yá gəlee kələn, ə níi hon. 5 Hɛn kpɔ ə́ kaa bɔ, ə dɛɛ ə́ pɔ, ə ə́ kɛ mɛ̨nįɠaa kəlee hu nɛ̨ɛ̨. 6 Akɛtii kwa yɛ́ yeetɛɛmąąlaa mąą kwəinɛ̨ɛ̨ kulɔ. Kuɔ kɛa ɉilɛyili tɛ ɲələi ku wɔ Yálái laa hu. Gɛ́, mɛ̨nįi ə́ kaa vɛlii, Yai-Laa ə gəlee kɛ yɛ́! 7 Yiihu kɛa, gíli kaa ɉu gɛ́: Yai-Laa a yeetɛɛmąąlaa tɛɛ nwɔ nui ə dɔɔ wulɔ lɔ mą, bɔ, a lɛɛ nwɔ pɛlɛ́ mąąhəɠɛɛi mu yələkɔlɔn ɉu, ə nwoo mu hon, a gulɔi a mo ɉu a mamįiyee. 8 Kɔ kɔ́ wotolo kaa nu taɠaa yəi, daɠaa di wɛi ə ɓo a hooɠaa; Kɛlaa ku wɛi, Yai-Laa ku wɔ Yálái laa ɓə ku yəi; ya ɓə kwa vɛli. 9 Diɛi tii, da kpinįn, di too, ku wɛi kwa tɔɔ kpilin. 10 Yai-laa a yeetɛɛmąąlaa tɛɛ ku pɔ, tɔɔmun gaa pai ku woo mu hon ɉi a ɲələi kwa dəli la. |