Mąątɛ̨nɛ̨ 15 - Yálá laawoo hɛɓɛ (dc)Nui a lɔi Yai-Laa yəi bɛlɛ́n, a túwɔ́ ləi? 1 Davidə nwɔ Yálá mąątɛ̨nɛ̨ wələ. 1 Davidə nwɔ Yálá mąątɛ̨nɛ̨ wələ. Yai-Laa! Gbɛɛ ɓə pai lɔi ə́ yəi bɛlɛ́n? Gbɛɛ ɓə pai heei Ə́ wɔ yee mąąhəɠɛɛi nwuɔ̨? 2 Ya ɓaa a nui mąą kulɔ hvo dúwɔ́ pələ ɓa, yɛ tələnmo yíi ɓo, ɛlɛɛ, gwəi kili yɛ ɓo a tələnmolaa; 3 Hva mɛlaa mąą mɛ̨nį pili ɉu, hva ɲɔ̨nwɔ̨mąn nu ɓɛlɛ kpɛɛ mą. 4 Ɲɛ̨i mu, mąąnɛ̨ɛ̨ di tɛɠɛɓo nɛ̨ŋɛ̨n ɉəɠəmun ɉu. Kɛlaa, nuąi da ɲɔw Yai-Laa ɓa, a di mąąwiɛ, ə mą kɛ, aa gwɛla a ɲee lɛɛ pələ ɉu, hva nwoo lɛɛ. 5 Hva kwələ tɔɔ a tɔ̨nɔ̨ hɔlɔɓo pələ ɉu, hva kwəi kwələmun ŋą hɛn gulɔ ɲəi, əgɛ, yili yee ə lɛɛ ɉu. Nui a túwɔ́ tii, dɔɔi lɔ gbilin a yələ kəlee, hva dumo dɔɔi. |