Mąątɛ̨nɛ̨ 146 - Yálá laawoo hɛɓɛ (dc)Yálá lɔ ɓə mąąnɛ̨ɛ̨ nu ə gilitɔɔ mą 1 'Kánikookwəi! Nį́į́ wolo, Yai-Laa mąątɛ̨nɛ̨. 2 Gáá lɔ pai kɛi Yai-Laa mąątɛnɛ̨ mɛ̨nį hu, nwɔ́ yɛnɛ̨ɛ̨ kəlee yee mu, nwɔ́ yɛnɛ̨ɛ̨ kpəlii woloi aa lɛɛ, gáá lɔ pai hvɛli kɛi nwɔ́ Yálái ɓa a yələ kəlee. 3 'Ka hvo ka kilitɔɔ tɔɔɓɛlaa diɛ, da nukanŋaa, di ta hva pɛli nu kulɔi mɛ̨nįi. 4 Di nɔ̨ɔ̨ kaa pai kulɔi di hu, diɛ pənə diɛ kɛ a pɔlɔ, mąą yələi tii, di kwəi kiliɠaa da lɛɛ a kpɛli. 5 Nui Ɉakɔbə nwɔ Yálá tɔɔ bulu, nwun na nɛ̨ɛ̨ ɓə, a nui tii a gilitɔɔ Yai-Laa ɓa, yai a nwɔ Yálái. 6 Ya ɓə Yələ kɔ́lɔn da lɔi di pɛli, gboloyá, da di hu hɛnŋąą kəlee, ə ɓo lɔ yələ kəlee, a tɛ̨ą mąąkɔ̨nwɔ̨ mun. 7 Nuąi daa hee di mɛ̨i a di wɔ tɛ̨ą ɓo, a kɔ̨nɔ̨n dɛɛ pulu lɛɠɛɠaa pɔ, Yai-Laa a gaho nąmįną lɛɛ di kpɔwɔ ɓa. 8 Yai-Laa a ɲɛ̨i punuą ɲɛ̨i hvoloon, Nuąi diɛ di too, Yai-Laa a di hąŋąn ə di tɔɔ, Yai-Laa a tələnmo nuą wɛlila kɛ. 9 Yai-Laa a nwɛ̨ąą mąąkɔ̨nwɔ̨, a ɲee hee təlilon da kalanin di mu. A mɛ̨nį ɲɔ̨n gɛmun dɛɛ kpaalə hu kala. 10 Yai-Laa kaa yələ kəlee a Heeɓomun, Siɔn! Ə́ wɔ Yálá li a kwɛlan ba pələ tɛi tɛi! 'Kánikookwəi! |