Mąątɛ̨nɛ̨ 142 - Yálá laawoo hɛɓɛ (dc)Davidə nwɔ woolaa woo 1 Davidə nwɔ mąąwɛli wələ woo, ɓɛlɔwai ə kɛ la gwɛni wolo hu. 2 Gáá tómąi kpɔ a nwóó kɛnɛ̨ Yai-Laa pɔ pələ, gáá Yai-Laa mąąnɛ̨ɛ̨i a nwóó kɛnɛ̨. 3 Gáá nwóólaai níila, gɛ́ gbáán mɛ̨nį hukulɔ mą. 4 Ɓɛlɔwai vį́nna a tɔn na, ɓɛi ŋą́ li laa, yɛ́ ɓə nąą kɔ́lɔn; bələi ŋą́ kɛ tɛɛi ɉu, daa ɓaalə tɛ ɉu dɔ́wɔ. 5 Ə́ ɲɛ̨i hee ɓa-mįi-yee hu pələ, gɛɛ kaa, nu ta hvo kɛa gɔ́lɔn! Ɓɛi kpɔ ŋį́ noo laa, nąą hvo mą, mą́ą́ kiliŋąhiɛ hvo nu ta lɔpee ɓa! 6 Gáá tómąi ə́ pɔ pələ, Yai-Laa! Gɛ́ diɛ: «Yɛ́ lɔ ɓaa mą́ą́kilɛi, yɛ́ lɔ ɓə, gwa yɛ́ gu tɔɔ nɔi ŋɛ̨i mɛ̨i!» 7 Ə́ wəli tɔɔ kpɔ a nɛlɛɛ dómą woo ɓa, Mąąhɔlɔɓo, mą́ą́wɛliɛ kɛnɛ̨! Nuąi di hvilɛn ŋąąi búlu a kɔ́, gúlɔ di yəi; Mąąhɔlɔɓo, di hvaŋą tɛɛi mą́ą́. 8 Gúlɔ gaho ŋą, gɛ́ pɛli ə́ laa tɛi. Tələnmolonnii kaa pai wələyɛli tínɛ̨n ɉii mą́ą́; mɛ̨inɛ̨ɛ̨ɠaai ə́ gɛ mą́ą́, mąą mɛ̨nį ɓa. |