Mąątɛ̨nɛ̨ 14 - Yálá laawoo hɛɓɛ (dc)Yálá a wala kɛ yɛnɛ̨ɛ̨ hu, ɲɔ̨nwɔ̨ɔ̨i ə tɛɛ gɛi ɓa 1 Nwələ ɲɛ̨i tɔwɔmun. Davidə nwɔ wələ. 1 Nwələ ɲɛ̨i tɔwɔmun. Davidə nwɔ wələ. Kilikpɛɛgwəi nuą, da kɛ kɛi di kwəi pələ: «Yálá hvo laa!» Daa kala, ɓɛlɛkpɛɛmąą túwɔ́ ɓə da mo, nu tɔ̨nɔ̨ kpɛli hvo kili mɛ̨nį kɛi. 2 Yai-Laa a lɛɛ yələi, ə ɲɛ̨i pili nu-kanŋąą mɛ̨i, ə gaa, a kɛ dɔ̨nɔ̨ kpɛli kaa a kilimąą mun, yɛ Yálá kwɛli. 3 Di kəlee, daa həɠə bələ mɛ̨i, di yee lɔɔ gee hu túwɔ́ pələ ɲɔ̨n gulɔ mɛ̨nį hu, di ta hva túwɔ́i a dənən, ə mą kɛ nu tanɔ̨n gbən ɓə. 4 Mɛ̨nį ɲɔ̨n gɛ nuąi tii, di hvo mɔ̨ɔ̨ mɛ̨nį kɔ́lɔn? Diɛi nwɔ́ nu kanŋaai kɛi a di kɔ̨nɔ̨n, da kɛli kɔ̨nɔ̨n mįi! Ɛlɛɛ, di hva Yálá hvɛli! 5 Ɓɛ kaa li, daa lɛɛ lɔ di kpɔwɔ ɓa, diɛ kpɛlin, mąąhɔlɔɓo, Yálá tɔɔi tələnmo nuą di wɔ kɔlaɠai pulu. 6 Ka kɛ mąąwɛli nuą di wɔ kilitɔɔmąąlaa hviə-hviə tɔɔi. Kɛlaa, Yai-Laa hvaŋąn mu ɓə, a di mąąkilɛi. 7 Gbɛɛ ɓə a lɛɛ Siɔn yɛ gɔ́ nɛ̨ɛ̨ Israɛlə ɓa? Ɓɛlɔwai Yai-Laa a pənə, yɛ pa laa a nwɔ nuąi kɛ nuwɔlaa hu, Ɉakɔbə ɲɛ̨i a kɛ ɲąŋąi, Israɛlə yɛ pili yələi a kwənɛ̨ɛ̨! |