Mąątɛ̨nɛ̨ 138 - Yálá laawoo hɛɓɛ (dc)Ka gu Yálá hɛɠɛɛɓo gu gu kilitɔɔ mą 1 Davidə nwɔ wələ woo. 1 Davidə nwɔ wələ woo. Gáá ə́ laa tɛi a níi kəlee, gáá ə́ laa tooi a wələ haliɠaa ɲɛ̨i ɓa. 2 Gáá kwɛli hvilɛn ɉii yɛ́, ɲɛ̨́i heɛ ə́ wɔɔ pɛlɛ́ mąąhəɠɛɛi ɓa. Ə́ haŋą pələ da ə́ wɔ mɛ̨nį lɛlɛ pələ ɓa. Hvó gaai, mɛ̨nįɠaai ə́ naakwɛlanmo, gɛnɛ̨i dɛɛ yiiɠaa ku mɛ̨n ə́ laa mɛ̨i diɛ. 3 Ɲələi ŋį́ ə́ təli la, yɛ́ nwóó mu hon, ə́ váŋą ta pɛlɛ mą. 4 Yai-Laa! Lɔi tɔɔɓɛlaa kəlee di ə́ laa tɛ, Mąąhɔlɔɓo, mɛ̨nįɠaai ə́ naakwɛlanmo, daa mɛ̨n. 5 Di Yai-Laa túwɔ́ pələɠaa too a wələ, diɛ kɛ diɛ: «Yai-Laa nwɔ mąąwiɛ kɛnɛ̨i! 6 Yai-Laa kaa hɛn gəlee nwun mɛ̨i yələi kwɛaa la! Nui kɔ́lɔn və mą, yɛ gaa! Yɛ humɛ̨ni kɛnɛ̨mun gaa kwɛaa la.» 7 Ŋą́ kɛ laanɔ̨nwɔ̨ kɛnɛ̨ hu, yá pənə ə́ nwɔ́ yɛnɛ̨ɛ̨ pu nįnɛ̨ koloi, yá ə́ yee hulɔ pɛlɛ ɲówóɠaa diɛ, ə́ ɓa-mįi-yee yɛ málo. 8 Yai-Laa kaa pai mą́ą́ mɛ̨nį kəlee kɛi, Yai-Laa! Ə́ wɔ ɲɛ̨imąąwɛli kaa ɲɛ̨n deei hvo mą! Hvó ə́ kili kulɔ ə́ kɛ kóloɠaa hu. |