Mąątɛ̨nɛ̨ 137 - Yálá laawoo hɛɓɛ (dc)Israɛlə woolaa woo Babilonə lɔi hu 1 Ku kɛɛ ɓɛlii, Babilonə yáɠaa kwɛlɛ, ku həɛi kɛ, kuɔ wɔlɔ, kuɔ ku kiliŋąhiɛ kuɔ vilɛn Siɔn ɓa. 2 Ku wɔ gwɛnįnŋaai hɛlɛnŋąąi kɛ, nwuluɠaai kɛ ku kwɛlɛ diɛ. 3 Nąą ɓə, nuąi ku hon kɔ́ hu, di kɛi kɛ laa kuɔ: «'Ka wələ ta too!» Ku mɔ̨nɔ̨ɓo nuą diɛ kwəinɛ̨ɛ̨ wələ kwɛli ku la, diɛ kɛ mą: «'Ka Siɔn wələ ta too ku mɛ̨n!» 4 Kwa pɛli kpɔ Yai-Laa nwɔ wələi, ta too pələ kɛi ləi nwɛ̨ą lɔi hu? 5 Ɉerusalɛmə, a kɛ ŋą́ lɛ̨ą yɛ́i, mamįiyee ə haa mą́ą́…! 6 Ɉerusalɛmə, a kɛ ŋą́ lɛ̨ą yɛ́, ŋą́ wala ə́ laa tɛ gwə́inɛ̨ɛ̨ mɛ̨nį kəlee tɔwɔ, nɛ̨́n ə kąnąn nɛ̨́ŋɛ̨-nɛ̨ŋɛ̨ mu. 7 Yai-Laa, ə́ kiliŋąhiɛ Edɔmə lonnii diɛ, diɛ ɓə kɛi kɛ diɛ, a Ɉerusalɛmə pu yələ: «'Ka bu, 'ka bu kpɔ, 'ka dɔɔ kwɛni kəlee həɠə gee mɛ̨i.» 8 Babilonə nɛ̨ɛ̨gbɛla, ə́ hu kala mɛ̨nį hɛlɛnŋąąi ə́ mɛ̨i, nui pai ə́ hon ɉii, yɛ bələi ə́ ku hon na, nwun na nɛ̨ɛ̨i. 9 Nui pai ə́ wɔ lon dalaɠaai hon ɉii, yɛ di nwun nwolo kwɛni ɓa, nwun na nɛ̨ɛ̨i. |