Mąątɛ̨nɛ̨ 136 - Yálá laawoo hɛɓɛ (dc)Yálá hɛɠɛɓo woo da mąątɛ̨nɛ̨ wələ 1 'Ka Yái-Laa Laa tɛ, mąąhɔlɔɓo nwɔ mɛ̨nį lɛlɛɛi, Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 2 'Ka yáláɠaa di wɔ Yálái laa tɛ, Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 3 'Ka tɔɔɓɛlaa di wɔ Tɔɔmun naa tɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 4 Yaa tɔ̨nɔ̨ lɔ ɓə a mɛ̨nį ɲɛ̨i kpɛa kpɛa kɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 5 Ə yələ kɔ́lɔn gɛ a kili kɛ ɲəi laa kɛ̨nɛ̨! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 6 Ə lɔi laa yáɠaa mɛ̨i a nwala walaa! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 7 Ya ɓə hvələ hvələ hɛnŋąą kpɛa kpɛa pɛli! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 8 Hvoló yɛ yələ ɓɔɔ ɲąą woo ɓo! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 9 Ɲąnin da pɛmɛ̨lɛ̨n-gɔwɠaa di wɛi ɓaa a kpinį! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 10 Ə Eziptə hutɔɔ a non doloo tolooɠaai ə di paa! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 11 Yɛ Israɛlə kulɔ laa! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 12 A vaŋą kɛ̨nɛ̨, a ɲee kɔ́nwɔ̨n ɉu wala wala! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 13 Ə gboloyá kpɔlu ɓɛlaɓo ɉu hveelɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 14 Ə Israɛlə tɛɛ ɉɛ̨ąi, Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 15 Ə Faraɔn da nwɔ kɔ́ laɠái di pili gboloyá kpɔlu hu! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 16 Ə li a nwɔ nuąi nɔi pun ɉu! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 17 Yɛ tɔɔɓɛlaa kpɛa kpɛa paa! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 18 Yɛ tɔɔɓɛlaa kpəiɛɠaa ɲąąyii! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 19 Sihɔn, Amɔrə tɔɔmun! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 20 Ogə, Basan tɔɔmun! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 21 Yili pulu, ə di wɔ lɔiɠaai tɛɛ nwɔ nuąi pɔ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 22 Ə dɛɛ nwɔ tímun Israɛlə pɔ a gwɛlin! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 23 Ə giliŋąhiɛ kuɔ, ku wɔ laanɔ̨nwɔ̨ hu! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 24 Ə ku kulɔ ku yowoɠaa yəi! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 25 A kɔ̨nɔ̨n dɛɛ nɔ̨ɔ̨-nɔ̨ɔ̨ hɛn gəlee pɔ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! 26 'Ka yələ kɔ́lɔn ɉu Yálá laa tɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą! |