Mąątɛ̨nɛ̨ 130 - Yálá laawoo hɛɓɛ (dc)Ka gu gu kilitɔɔ Yai-Laa ɓa, ya ɓə a nu mąąwɛli kaa 1 Ɲee mąąhəɠɛɛ tɛ wələ. 1 Ɲee mąąhəɠɛɛ tɛ wələ. Yai-Laa! Gáá ə́ təlii mɔ̨nɔ̨ kɛnɛ̨ hu, 'Pá kilɛ mą́ą́! 2 Yai-Laa! Ə́ wəli tɔɔ nwóó ɓa; Ə́ wəli tɔɔ kpɔ a nɛlɛɛ, nwɔ́ nɛ̨ɛ̨mąą hvə wooi ɓa! 3 Yai-Laa! Yá kɛi ku wɔ nɛ̨ŋɛ̨nŋaa laa ə́ yee kpalai, Əkə! Nwɔ́ mɛ̨nį Nąmu! Gbɛɛ ɓə pai lɛɛi yɛnɛ̨ɛ̨? 4 Kɛlaa, mąąhvaalɛɛ woo kaa ə́ la, ɛlɛɛ, nu yɛ ɲɔ̨w la yɛ́. 5 Ɲɛ̨́i kaa Yai-Laa tɔwɔ, gáá mąą kpɔn ɉii kpɔ, a nwą́nąi, gílitɔɔi nwoo ɓa. 6 Yai-Laa wɛli kaa ɉón ɉii, dɛɛ taa mąąkpɛmun nwɔ yələɓoi lɔwai mąąkpɔnŋąą ɓa, ə mą kɛ, taa mąąkpɛmun mə, hva yələwala mąąkpɔn di. 7 Israɛlə! 'Ə́ kilitɔɔ Yai-Laa ɓa, mąąhɔlɔɓo, mɛ̨inɛ̨ɛ̨ kaa ɲee pɔ, nwun mąąɓo ə ɓo ɲəi a ɉukɛnɛ̨ɛ̨. 8 Ya ɓə a Israɛlə nwun mąąɓo nwɔ nɛ̨ŋɛ̨nŋaai kəlee yəi. |