Mąątɛ̨nɛ̨ 13 - Yálá laawoo hɛɓɛ (dc)Mɔ̨nɔ̨ a laa gu mɛ̨i, 'ka gu Yálá təli 1 Nwələ ɲɛ̨itɔwɔmun. Davidə nwɔ wələ. 2 Ee Yai-Laa! Ə́ kaa pai lɛ̨ąi mą́ą́, ə lɛɛ ɉu mįnɛ̨ lɔwai ə ɉələ? Ə́ kaa pai lɛɛi ə́ ɲɛ̨́lai looi mą́ą́, ə lɛɛ ɉu mįnɛ̨ lɔwai ə ɉələ? 3 Níí yɛ kələn gwə́i ə lɛɛ ɉu mįnɛ̨ lɔwai ə həli la? Ŋį́ ɓo lɔ mɔ̨nɔ̨ hu, a yələ kəlee? Ɲówo yee kaa pai lɛɛi a dɛɛ mą́ą́, ə lɛɛ ɉu lə yələ ə ɉəli? 4 Ə́ ɲɛ̨i hee, nwóó pulu pənə, Yai-Laa, nwɔ́ Yálá! Yálá, ɲɛ́i hvoloon, və́ pa yíi haa yee kɔ́nma! 5 Ɲówó hvo pa nəi kɛ diɛ: «Ɲéé aa tɛɛ mą», ɛlɛɛ ɲówóɠaa diɛ kɛa kwəinɛ̨ɛ̨ kulɔ, dóó mɛ̨nį hu. 6 Gílitɔɔi Ə́ wɔ kulɔ nwoo ɓa laai ɓa, 'gɛ́, níí ə kwəinɛ̨ɛ̨ kulɔ, a máloi yá mo, gɛ́ pɛli wələ tooi Yai-Laa ɓa! Mɛ̨inɛ̨ɛ̨i ə gɛ mą́ą́, mąą mɛ̨nį ɓa. |