Mąątɛ̨nɛ̨ 129 - Yálá laawoo hɛɓɛ (dc)Nui a kɔ́ pɛlɛ Yálá ɓa, nwɔ yɛnɛ̨ɛ̨ laa kulɔ pələ 1 Ɲee mąąhɛɠɛɛ tɛ wələ. 1 Ɲee mąąhɛɠɛɛ tɛ wələ. Ə həɠə kpɔ múhəɠə yələ ɓa, daa wɔlɔ pɛlɛ mą́ą́ a hvaa; Israɛlə pənə ə́ 'mo kpɔ tii. 2 Di pɛlɛ mą́ą́ a hvaa, geemɛ̨i yɛli, ə həɠə kpɔ múhəɠə yələ ɓa, Kɛlaa, di yee hvo pɛli mą́ą́. 3 Kɛɛhin nuą di kɛi kɛɛhin búlu hɛ̨ą; diɛ kali pɔɔ laa laa a gbɛa-kpɛa. 4 Yai-Laa haŋąąi! Ə nɛ̨ŋɛ̨n ɉəɠə nuą di wɔ yɛlii tee. 5 Nwumɛ̨ ə gəlee ɲɛ̨i paa! Nuąi kpɔ da wɛlikpɛɛmąąlaa kulɔ a Siɔn, di li a di pulu pələ. 6 Di kɛ yɛ pɛlɛ́ kɔ́nmą kala tiliin, yai hva kɛnɛ̨, yɛ kpala. 7 Mɔ̨nun deemun hva mąn ɲee laa hvɛɛ la, mɔ̨nun ɲilimun hva mąn mɔ̨nun gɔn ɉɔlɔɓo ɉu; 8 ɛlɛɛ, nuąi da tɛɛ laa di hva kɛ diɛ: «Yai-Laa ə lúwɔ́ tɔɔ kaa!» Ku kaa lúwɔ́ tooi kaa, Yai-Laa laa hu. |