Mąątɛ̨nɛ̨ 128 - Yálá laawoo hɛɓɛ (dc)Kwəi kwələ nuą nwun nąnɛ̨ɛ̨i 1 Ɲee mąąhəɠɛɛ tɛ wələ. 1 Ɲee mąąhəɠɛɛ tɛ wələ. Nuąi kpɔ da ɲɔ̨w Yai-Laa ɓa, diɛ hiɛ nwɔ pələi mɛ̨i, di nwun na nɛ̨ɛ̨i! 2 Ə́ kaa pai ə́ kɛ kóloɠaa dɔlɔ mį́i. Ə́ nwun na nɛ̨ɛ̨i, ə́ pɔɔ ɓaa yɛnɛ̨ɛ̨ ɲąąnɛ̨ɛ̨. 3 Ə́ nɛ̨ą kaa yɛ ɓawulu lɛlɛɛ, ə́ yəi nwɔ̨n dinįi; ə́ lonnii di ɓo yɛ olivə wuluɠaa, di tinɛ̨nŋąą ə́ wɔ kɔwɔi ɓa kɛ-kɛ. 4 Nui a ɲɔ̨w Yai-Laa ɓa, lúwɔ́i da doo mą, ya ka tii. 5 Yai-Laa ə lúwɔ́ too yɛ́, ə həɠə Siɔn yee nwuɔ̨, yɛ́ pɛli Ɉerusalɛmə nwɔ nwun na nɛ̨ɛ̨ kaai, ə́ wɔ yɛnɛ̨ɛ̨ kəlee yee mu. 6 Yɛ́ pɛli ə́ lonnii di wɔ lonnii kaai. Liilaa ə kɛ Israɛlə mɛ̨i. |