Mąątɛ̨nɛ̨ 127 - Yálá laawoo hɛɓɛ (dc)Taai Yai-Laa laa hvo dɔɔ mɛ̨nį hu hva tɔɔ 1 Ɲee mąąhɛɠɛɛ tɛ wələ. Salomɔn nwɔ wələ. 1 Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli. 2 Kpɛli ɓaa nu ə humo a muhəɠɛɛ, yɛ lɛɛ ɲɛ̨i ɓa kpinį hu yɛ kwɛa, yɛ́ mɔ̨nɔ̨ kɔ̨nɔ̨n mį́i lɔ! Yai-Laa a nwɛlikɛmąą nuą lɛɛ yíi, Ə di kɔ́ a kɔ̨nɔ̨n. 3 A tɛ̨ą, lon gaa mɛ̨nį, gaa a Yai-Laa yəi mɛ̨inɛ̨ɛ̨, nu hvɛla ɓaa, gwəi lonnii. 4 Bələi lɔ tonwą kaa la kɔ́kuláá yee ŋą, bələ lɔ ɓə nu laŋą lonnii kaa la. 5 Nwun na nɛ̨ɛ̨mun maa, nui a nwɔ tonwą taɠai laahvɛɛ a tonwą tíɛ! Nwumɛ̨ hva ɲɛ̨i paa a yələ ta, ə mą kɛ ɲowo aa tɔɔ ɉįila. |