Mąątɛ̨nɛ̨ 126 - Yálá laawoo hɛɓɛ (dc)Yálá hɛɠɛɛɓo wələ 1 Ɲee mąąhəɠɛɛ tɛ wələ. 1 Ɲee mąąhəɠɛɛ tɛ wələ. Ɓɛlɔwai Yai-Laa ə kɛi pənə yɛ paa la, a Siɔn lonnii kɛ luwɔlaa hu, ə kɛ lɔ yɛ kwa kɛi hį́į kaa! 2 Nąąlowai Ku kɛ lɔ yɛlɛ mɛ̨nį hu, kwəinɛ̨ɛ̨ wələ lɔ ɓə kɛ ku la; Lɔiɠaa di kɛi kɛ diɛ: «Aiyoo Yai-Laa aa mɛ̨nį lɛlɛɛ kɛ diɛ!» 3 A tɛ̨ą, Yai-Laa aa mɛ̨nį ɲɛ̨i kɛnɛ̨ɛ̨ kɛ ku mąą mɛ̨nį hu, ku kɛ lɔ kwəinɛ̨ɛ̨ hu. 4 Yai-Laa! 'Pənə Ə́ pa a ku wɔ luwɔɠaai, yɛ bələi Negɛvə ya hvɛɛ a gɛ la. 5 Nui a kɛɛhin ɲɛ̨iya hu, a mɔ̨nun dee yɛ́lɛ! 6 A kɛ lii, a kɛ lii a wɔlɔ, mɔ̨nun ɉuwu ə ɓo ɲəi. A kɛi pənə yɛ pai, a pa a kwəinɛ̨ɛ̨; mɔ̨nun gɔnŋaa di ɓo nwuɔ̨. |