Mąątɛ̨nɛ̨ 125 - Yálá laawoo hɛɓɛ (dc)Yálá a nwɔ nuą mąąkpɛ 1 Ɲee mąąhəɠɛɛ tɛ wələ. 1 Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee. 2 Ɉerusalɛmə mąątinɛ̨nŋąąi a yeeɠaa; bələ ɓə Yai-Laa a ɲee koloon dee la nwɔ nuą diɛ, ə həɠə yiihu ɓa, ə lɛɛ ɉu ɲɛ̨n deei hvo mą. 3 Yili nwɛi, pɛlimąą lɔpee hvo ɉu, nɛ̨ŋɛ̨n dɔɔlaa hva pɛli heei tələmo lonnii di wɔ lɔi mɛ̨i. Tələmo lonnii di hvo pa nəi, di yee lɔ piɛndoo mɛ̨nį hu. 4 Yai-Laa, nui ɉɔn nɛlɛɛ, ɉon a nɛlɛɛ, a nui ti gwəi kwəlɛɛi. 5 Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i. |