Mąątɛ̨nɛ̨ 124 - Yálá laawoo hɛɓɛ (dc)Yálá ɓə a nu kulɔ mɛ̨nį kəlee hu 1 Davidə nwɔ hiɛ kulɔ wələ 1 Davidə nwɔ hiɛ kulɔ wələ Akɛ kɛ Yai-Laa hvo kɛ a dɔɔ ku pului, gbɛɛ ɓə li kɛ ku pulu. Israɛlə! Pənə ə́ mo kpɔ tii! 2 Akɛ kɛ Yai-Laa hvo kɛ a dɔɔ ku pului, ɓɛlɔwai nuą di wolo la kuɔ, 3 Di liiholi pələ ɓa kɛ ku pɔ kɛnɛ̨! Də li lɔ ku lɛɛ, a ku hvúlu di ku kpələ! 4 Nąąlɔwai, yáɠaa di kɛi li a kuɔ, yáhvaną yɛ ku nwun mɛ̨i pu. 5 A tɛ̨ą, ku nwun mɛ̨i puɔi kɛa kɛ, yanwąną yei. 6 Mąąwiɛ ə kɛ Yai-Laa ɓa! Yai hvo hvaa li mą, ku hvo kɛ a di kpánoŋą hɛn. 7 Yɛ bələi nwɛ̨nį a ɓɔ la nwɛ̨nįkpɛmun nwɔ diŋɛ̨n nwolo ɓa, bələ kpɔlɔ ɓə ku kulɔ la ɉu, diŋɛ̨n nwolo ə tee mą, ku pu. 8 Yai-Laa laa ɓə a ku mąąkɔnwɔ Yai yələkɔlɔn da lɔi di pɛli. |