Mąątɛ̨nɛ̨ 122 - Yálá laawoo hɛɓɛ (dc)Ɉerusalɛmə ɓə nu ɓalo mɛ̨nį a kulɔ laa 1 Ɲee mąąhəɠɛɛ tɛ wələ. 1 Ɲee mąąhəɠɛɛ tɛ wələ. Davidə nwɔ wələ. Da kɛ mą́ą́: «'Gwə li Yai-Laa yəi bɛlɛn!» Gwə́i a nɛ̨ɛ̨! 2 Kuɔ ka tɔɔni, ə́ wɔ kponŋaai ɓa Ɉerusalɛmə! 3 Ɉerusalɛmə, yɛ́i ə́ tɔɔ pələ lɛlɛɛ, a taai ɉu hɛn gəlee yiliɛ gee ɓa. 4 Nąą ɓə nɔi lonnii kaa tɛi laa, diɛi a Yai-Laa nwɔ nu huwuɠaai, yɛ bələi gaa la Israɛlə yíi pələ hu, Yai-Laa laa tɛ mɛ̨nį ɓa. 5 Hvó gaai, nąą ɓə təlimo tɔɔkpəlinŋaa kaa laa, a Davidə nwɔ pɛ́lɛi nwɔ tɔɔkpəlinŋaa. 6 'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ. 7 Liilaa ə kɛ daa kwəi, wəli pulu laɠi ə kɛ tɔɔ pɛlɛ́ɠaa mu! 8 Gáá kɛi diɛ: «Liilaa ə kɛ ə́ pɔɔli,» ną́n nonnii da mɛ́laa di mąą mɛ̨nį ɓa. 9 Yai-Laa ku wɔ Yálái nwɔ pɛlɛ́i mąą mɛ̨nį ɓa, ə́ wɔ nwun nąnɛ̨ɛ̨ ɓə gáá bɔ. |