Mąątɛ̨nɛ̨ 121 - Yálá laawoo hɛɓɛ (dc)Ka gu gu kilitɔɔ gu mąąkɔ̨nwɔ̨ Yálá ɓa 1 Hiɛ mąąhəɠɛɛ kulɔ wələ. 1 Hiɛ mąąhəɠɛɛ kulɔ wələ. Ŋą́ nwún muhəɠə, ŋį́ ɲɛ̨́i hee ɲeeɠaa diɛ, mįnɛ̨ ɓə nwɔ́ kpɔnmąą a pɛli həɠəi laa? 2 Nwɔ́ kpɔnmąą a həɠə Yai-Laa pɔ, Yai yələkɔlɔn da lɔi di pɛli. 3 Hva ə́ lɛɛ laa ə́ kɔ́wɔ hvo talaan! Yíi hva tɛɛ a ə́ mąąkpɛmun! 4 Hvó gaai, nui ɲɛ̨i kaa yɛ́, hva yíi a nwun, nui ɲɛ̨i kaa Israɛlə ɓa, yíi hva tɛɛ la. 5 Yai-Laa ɓə a ɲɛ̨i kɛ yɛ́, Yai-Laa ɓə a nįnįn bɛlɛ ə́ mɛ̨i, gaa tɔɔni ə́ ɓa-mįi-yee hu pələ. 6 Hvóló hva lɔ yɛ́ hvóló ŋą, Ɲąnįn gbɛli hva hɛn da kɛ a yɛ́ kpinįi. 7 Yai-Laa a ɲɛ̨i kɛ yɛ́, mɛ̨nį ɲɔ̨n ɉuwu-huwu kəlee tɔwɔ, yɛ ə́ wɔ yɛnɛ̨ɛ̨ laa hɔnmo. 8 Yai-Laa a ɲɛ̨i kɛ ə́ tɛɛ pələɠaa kəlee hu, ə́ lii, da ə́ pai, ə həɠə yiihu ɓa, ə lɛɛ ɉu, ɲɛ̨n deei hva kɛ mą. |