Mąątɛ̨nɛ̨ 114 - Yálá laawoo hɛɓɛ (dc)Yálá ə nwɔ nu huwui ɓalo 1 Ɓɛlɔwai Israɛlə ə kulɔ laa Eziptə, ɲələi Ɉakɔbə lonnii di kulɔ la nwɛ̨ąą tii lɔwai; 2 Ɉuda ə kɛ kɛa a Yálá hee pɛlɛ́, Israɛlə yɛ kɛ a nwɔ lɔi. 3 Yili nąą kaai gboloyá ə mo, ə tee di tɔwɔ, Ɉurdɛn yá ə pənə yɛ tɛ nwun ma pələ. 4 Yeeɠaa diɛ pili yələi, yɛ ɓɛlaa hilɛɠaa, yee kpu kpuɠaa diɛ gɛ yɛ ɓolu lonnii. 5 Gboloyá, lə pu ɓə ə́ kaa moi? Ɉurdɛn, lə ɓə kɛ, yai ə́ kaa yalii ə́ kələn ma? 6 Yeeɠaa, nɛlɛ ŋą pili ɓə ka káá moi yələi, yɛ ɓɛlaa hilɛɠaa? Ɛlɛɛ, kaai a yee kpu kpuɠaa, kaa gɛ yɛ ɓolu lonnii? 7 Lɔi, 'kpɛlin 'ə́ pɛlimun tɔwɔ, yai a Ɉakɔbə nwɔ Yálái, tɔwɔ. 8 Yaa ti kwɛni kpuwulu mąą pənə a yá, Yɛ kwɛni kpuwulu kɛ a yá nwun gulɔi. |