Mąątɛ̨nɛ̨ 113 - Yálá laawoo hɛɓɛ (dc)'Ka gu Yai-Laa mąąwiɛ 1 'Kánikookwəi! 'Ka Yai-Laa laa tɛ, kaai kpɔ a nwɔ tínuą, yili ə həɠə kpɔ ka kookpala. 2 Mąąwiɛ ə kɛ Yai-Laa laa ɓa, ə həɠə yiihu ɓa ə lɛɛ ɉu wɔ. 3 Ə həɠə hvoló kulɔi pələ, ə həli la dooi pələ, mąąwiɛ ə kɛ Yai-Laa ɓa! 4 Yai-Laa kaa heenin lɔi kəlee nwun mɛ̨i, nwɔ mąąwiɛ yɛ həli kpɔ yələ kɔ́lɔn mɛ̨i pələ kəlee ɓa. 5 Gbɛɛ ɓə yɛ Yai-Laa, ku wɔ Yálái? A yai gaa hɛn gəlee nwu mɛ̨i kpɔ ləɠə ləɠə? 6 Ɛlɛɛ, a nwun vilɛn, yɛ ɲɛ̨i pili, yələ kɔ́lɔn da lɔi di mɛ̨i. 7 A mąąwɛlimun gulɔ mąąwɛlilaa hu muluun hu, Yɛ yeehvolomun gulɔ túlún ŋą. 8 Yɛ ɉeei gulɔ tɔɔɓɛlaa lɔwai, da nwɔ nu huwui ɲɛ̨itɔwɔ nuą di heei ə ɓo taanɔ̨n. 9 A kpomąnɛ̨ą hee nwunɲą, Yɛ gwəi nɛ̨ɛ̨ a gɛi a mo a lon gaanɛ̨ą. Mąąwiɛ ə kɛ Yai-Laa ɓa! 'Kánikookwəi! |