Mąątɛ̨nɛ̨ 110 - Yálá laawoo hɛɓɛ (dc)Mɛ̨nįi Yai-Laa kaa moi tɔɔmun ma 1 Yálá mąątɛ̨nɛ̨ wələ. Davidə nwɔ wələ. 1 Yálá mąątɛ̨nɛ̨ wələ. Davidə nwɔ wələ. Mɛ̨nįi Yai-Laa ə mo nwɔ́ mɛ̨nį nąmu ɓa, ya ka: «'Hee mamįiyee hu pələ, ə lɛɛ ɉu, ŋį ə́ yowo kɛ a ə́ kɔ́wɔ tɔɔ kpəlin!» 2 Yai-Laa ə ə́ wɔ Heeɓolaai yee kɔ̨nwɔ̨n ɉu ɓɛɛlɛɛi, ə gɔwɔ tɔɔ Siɔn, yɛ́ pɛli heei ə́ yowoɠaa mɛ̨i. 3 Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi. 4 Yai-Laa aa gwɛla, hvo pai gələn ma, yɛ mą: «Ə́ kaa a haláá laa həli mun a yələ kəlee mɛ̨nį, yɛ bələi Mɛlkisedɛkə kaa la.» 5 Ną́mu kaa ə́ ɓa-mįi-yee hu pələ, ə tɔɔɓɛlaa hu wolo a níiholi yələi 6 Gaa lɔiɠaa kiti teei, nu powa yɛ pu geemɛ̨i yɛnɛ̨ɛ̨ nąą kəlee, gaa nuą wolo woloi, yɛ lɔi ɲąąwooɓo nuą nwun nwolo. 7 Gaa bələ pɔ, yɛ gbələi yá lon ɉu, yili ɓə gɛi yɛ nwun muhəɠə la. |