Mąątɛ̨nɛ̨ 11 - Yálá laawoo hɛɓɛ (dc)Nui gilitɔɔ Yálá ɓa gaa liilaa hu 1 Nwələi ɲɛ̨itɔwɔmun. Davidə. 1 Nwələi ɲɛ̨itɔwɔmun. Davidə. Yai-Laa ɓə a mą́ą́ kilɛi. Ka pɛli kɛi ləi mą́ą́: 'Pu ə́ li ka wɔ yeei nwuɔ̨, nwɛ̨ni logolo. 2 Nu ɲɔ̨nwɔ̨ɔ̨ɠaa kaa lə, diɛ di wɔ mɛ̨ɛ̨kɔi laa gilɛn ɲą, diɛ ɲala ɉu, diɛ kwəi kwələnuą hɛn la, kpinįi. 3 Pɛlɛ́ kɔ́wɔ hvilɛn ɉɛn a taɠa mu, lə wolo kpɔ ɓə tələnmomun a pɛli gɛi? 4 Yai-Laa kaa nwɔ tɔɔ pɛlɛ́ mąąhəɠɛɛi mu, Yai-Laa kaa nwɔ tɔɔ kpəlin hu, yələ kɔ́lɔnɉu, ɲɛ̨i həɛ yɛnɛ̨ɛ̨ ɓa. Ɲɛ̨i kwəleen yɛ nu kan nonnii túwɔ pələ hu kaa. 5 Yai-Laa a tələnmomun ɉu kɔ́ɔn, yɛ wɛli kpɛɛmąąlaa kulɔ a nu ɲɔ̨nwɔ̨ɔ̨, da wɛamun. 6 'Ə nwɔ̨n ɲɛhɛ-yɛhɛ pu a tulɔ nwąnąlɔmun mɛ̨i. Nwɔ̨n, hvąŋą, da ɉigilin, yili ɓə di kpələ gbąmą hu, diɛ gbələ. 7 Mąąhɔlɔɓo, Yai-Laa tələnmoɔi, tələnmolaa wɛli kaa mą, ɛlɛɛ, tələnmo nuą diɛ ɲɛ̨ilai gaa. |