Mąątɛ̨nɛ̨ 101 - Yálá laawoo hɛɓɛ (dc)'Ka hiɛ a ɉaŋąą Yálá ɲɛ̨i ɓa 1 Davidə nwɔ hvɛ́li woo. 1 Davidə nwɔ hvɛ́li woo. Gáá bɔ ŋą wɛlikɛmąąlaa da kítí hąŋąą, di mąątɛ̨nɛ̨ wələ too, gɛ́ hvɛli kɛ Yɛ́, Yɛ́i a Yai-Laa. 2 Gáá bɔ ŋą́ hiɛ kwəi kwələ laa hu, lə yələ ɓə Yá paa la bɔ́ pələ? Gáá pai hiɛi a gwə́i kwɛlɛɛ ɲə́i bɛlɛ́n. 3 Mɛ̨nį ɲɔ̨n da lɔpee hva ɉeei hɔlɔɓo ɲéé pɔ, nuąi daa lənə Yɛ́ ŋį́ yowolaa kulɔ a diɛ, di túwɔ́ pələ hva pɛli nwún ɉu lan ɉi. 4 Kiliŋąhiɛi hvo hąŋąli, və́ bɔ! Və́ bɔ və́ mɛ̨nį ɲɔ̨nwɔ́ɔ́ gɔlɔn. 5 Nui a mɛlaa laa kala loo pələi, gáá pai nwumɛ̨i, tɛɠɛɓoɉu kɛɛ kaa, ɲɛ̨i kulɔbɔ kili, vá pɛli niilaai di pɔ. 6 Nɔi lonnii kpɔ nu a pɛli laai di la, gáá pai ɲɛ̨́i lɛlɛɛ heei diɛ, diɛ pɛli heei gwɛ́lɛ. Nui mąąkulɔ hvo dúwɔ́ pələ ɓa, ya ɓə pai kɛi a nwɔ́ kalanɉon gɛ̨nɛ̨mun. 7 Nui naa nɛ̨ɛ̨ mą nuą ɓowoi, hvo pai ɉeen ɉɔlɔɓoi ɲə́i bɛlɛ́n. Lɛɛmun və pai ɉeei ɉɔlɔɓoi ɲɛ̨́i mu. 8 Yələ wala pɔ tɛi tɛi, nuąi da mɛ̨nį ɲɔ̨n gɛ nɔi hu, gáá pai di laa kpului, gɛ́ mɛ̨nį ɲɔ̨n gɛ nuą kəlee kulɔ Yai-Laa nwɔ taai kwəi. |