Lonon mo 33 - Yálá laawoo hɛɓɛ (dc)

Gɛɛnąąɠaai kpɔ Israɛlə lonnii di tɛɛ laa ə həɠə Eziptə ə li Ɉurdɛn ɓa

¹ Ɉiɛɠaai Israɛlə lonnii di gulɔ ɓɛlɔwai di həɠə la Eziptə lɔi hu, da di wɔ kɔ́laɠaɠaa; Moisə da Aarɔn di ɓo di nwun na, diɛ ka:

² Da kɛi kɛ həɠə kɛɛnąąɠaa ɓa Moisə ə kɛi gɛɛnąąɠaai tii laa pɛ̨ɛ̨; Yai-Laa ɓə dí la. Ɉiɛɠaai di gulɔ, a wala kɛ tii ɓɛɠaai di kɛi tɔɔ laa, diɛ ka:

³ Di həɠə Ramsɛsə ɲąnin dɔlɔɔ, nwɔ hvóló pow gɔw lɔɔli yələ, pakə puɔ mąą yələ laa ɓoɔ ɓə Israɛlə lonnii di kulɔ laa a di wəli pulu laɠiɛ, Eziptə nuą kəlee ɲɛ̨i ɓa.

⁴ Eziptə nuą kəlee yee ə kɛ di wɔ nuą loo mɛ̨nį ɓa; di lon dɔlɔɔɠaai tii Yai-Laa ə di paa, yɛ nwąną kulɔ la di wɔ haliɠaai diɛ.

⁵ Israɛlə lonnii di həɠə Ramsɛsə, di pa di hee Sukotə.

⁶ Di həɠə Sukotə di pa di tɔɔ Etamə nɔi pun ɲɛn ma.

⁷ Di həɠə Etamə, di yali di pulu di pa Pi-Hahirotə Baalə-Sefɔn tənən ma, di pa di tɔɔ Migdolə kwɛlɛ.

⁸ Di həɠə Hahirotə tənən ma, di gboloyá teen, di ɉon a nɔi pun ɉu pələ. Di hvóló haaɓa hiɛ kulɔ Etamə nɔi pun ɉu; di pa di tɔɔ Mara.

⁹ Di həɠə Mara, di həli Elimə, ɓɛi yá nwun gulɔi pow kɔ́w hveelɛ ə kɛ laa, da tow wulu pow mɛ̨ihveelɛ ə ɓo laa.

¹⁰ Di həɠə Elimə, di pa di tɔɔ veen gbɔ̨nɔ̨ gboloyá kwɛlɛ.

¹¹ Di həɠə gboloyá kwɛlɛ, di pa di tɔɔ Sin nɔi pun ɉu.

¹² Di həɠə Sin lɔi pun ɉu, di pa di tɔɔ Dɔfka.

¹³ Di həɠə Dɔfka, di pa di tɔɔ Alusə.

¹⁴ Di həɠə Alusə, di pa di tɔɔ Refidimə, nuą di hvo kpələ yá hɔlɔɓo laa.

¹⁵ Di həɠə Refidimə, di pa di tɔɔ Sinai nɔi pun ɉu.

¹⁶ Di həɠə Sinai nɔi pun ɉu, di pa di tɔɔ Kivrotə-Taawa.

¹⁷ Di həɠə Kivrotə-Taawa, di pa di tɔɔ Haserotə.

¹⁸ Di həɠə Haserotə, di tɔɔ Ritma.

¹⁹ Di həɠə Ritma, di tɔɔ Rimɔn-Pɛrɛsə.

²⁰ Di həɠə Rimɔn-Pɛrɛsə, di tɔɔ Livna.

²¹ Di həɠə Livna, di pa Risa.

²² Di həɠə Risa, di pa Kehelata.

²³ Di həɠə Kehelata, di pa Sɛfɛrə yee ɓa.

²⁴ Di həɠə Sɛfɛrə yee ɓa, di pa Harada.

²⁵ Di həɠə Harada, di pa Makehelotə.

²⁶ Di həɠə Makehelotə, di pa Tahatə.

²⁷ Di həɠə Tahatə, di pa Tɛra.

²⁸ Di həɠə Tɛra, di pa Mitka.

²⁹ Di həɠə Mitka, di pa Hasmona.

³⁰ Di həɠə Hasmona, di pa Moserotə.

³¹ Di həɠə Moserotə, di pa Bene-Yaakan.

³² Di həɠə Bene-Yaakan, di pa Hɔrə-Gidgadə.

³³ Di həɠə Hɔrə-Gidgadə, di pa Yotvata.

³⁴ Di həɠə Yotvata, di pa Avrona.

³⁵ Di həɠə Avrona, di pa Esiɔn-Gɛvɛrə.

³⁶ Di həɠə Esiɔn-Gɛvɛrə, di pa Sin nɔi pun ɉu, Kadɛsə daai kpɔ kpɔɔ.

³⁷ Di həɠə Kadɛsə, di pa Hɔrə yee ɓa, Edɔmə nɔi ɲɛn ma.

³⁸ Yai-Laa ə mo yɛ ɉaláá laa həli mun Aarɔn ə tɛ Hɔrə yee ɓa, ə haa laa, kwɛlan bow nąąn aa kɛ tɛɛ, Israɛlə lonnii kulaa Eziptə pulu; ɲąnin nɔɔli nąąn, nwɔ hvóló dɔlɔɔ.

³⁹ Aarɔn kaa kwɛlan ə kɛ a kwɛlan nwun dɔ̨nɔ̨ ɲee hveelɛ kɔ́w haaɓa, ə haa Hɔrə yee nwuɔ̨.

⁴⁰ Kanaan nuą di Israɛlə lonnii pa woo mɛ̨n; Aradə tɔɔmun ə kɛ heeni Kanaan lɔi ɉɛɠɛɛ pələ.

⁴¹ Israɛlə lonnii di həɠə Hɔrə yee ɓa, di pa di tɔɔ Salmona.

⁴² Di həɠə Salmona di pa di tɔɔ Punɔn.

⁴³ Di həɠə Punɔn di pa di tɔɔ Ovotə.

⁴⁴ Di həɠə Ovotə di pa di tɔɔ Iye-Avarimə Moabə lɔi ɲɛn ma.

⁴⁵ Di həɠə Iyimə di pa di tɔɔ Divɔn-Gadə.

⁴⁶ Di həɠə Divɔn-Gadə di pa di tɔɔ Almɔn-Divlataima.

⁴⁷ Di həɠə Almɔn-Divlataima di pa di tɔɔ Avarimə yee ɓa, Nebo tənən ma.

⁴⁸ Di həɠə Avarimə yee ɓa, di pa di tɔɔ Moabə yɛɛ kɔ́wɔ hu, Ɉurdɛn yá kwɛlɛ Ɉeriko tənən ma.

⁴⁹ Di di wɔ taai pu Ɉurdɛn kwɛlɛ, ə həɠə Bɛtə-Yesimotə, ə həli la Avɛlə-Sitimə Moabə yɛɛ kɔ́wɔ hu.

Kanaan lɔi ɲąąkwɛlɛ pələ

⁵⁰ Ɓɛlɔwai nuą di kɛ la Moabə yɛɛ kɔ́wɔ hu Ɉurdɛn kwɛlɛ, Ɉeriko tənən ma, Yai-Laa ə kɛ Moisə ɓa:

⁵¹ «'Mo Israɛlə lonnii diɛ, yɛ́ diɛ: «Ka pa Ɉurdɛn teen ɉii, ka lɔ Kanaan lɔi hu,

⁵² ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

⁵³ Ka káá pai nɔi hɔlɔɓoi a ka wɔɔ, kaa hee ɉu. Mąąhɔlɔɓo, kaa ɓə gáá nɔi tii tɛɛi ka pɔ, yɛ pa lɛɛi ka yəi.

⁵⁴ Ka káá pai nɔi ɲąąkwɛlɛi ka huwuɠaa lɔwai, kaa gɔ́ a kpɛɛn, huwu yii gɛnɛ̨, nwɔ lɔi a kɛnɛ̨, huwu yii golɔɔ, nwɔ lɔi a kolo. Nu kəlee kaa pai lɔi hɔlɔɓoi ɓɛi gbɛɛn a ɉee laa. Mąąnɛ̨ɛ̨ ka ɲakwɛlɛ ka huwuɠaa lɔwai, a ka káá pələ.

⁵⁵ Kɛlaa, ka wala nɔi hu nuą kpɛ ka tɔwɔ, yiiɠaai ka káá pai di lɛɛi laa, di kaa pai kɛi a kiə́n, yɛ lɔ ka ɲɛ̨i. Diɛ kɛ a ɲąąlən, diɛ lɔ ka kɔ́lɔ hu. Di kaa pai kɛi heei ka hu nɔi tii hu. Ɓɛi ka káá pai kɛi laa.

⁵⁶ Ɛlɛɛ, mɛ̨nį ŋį́ kɛ bɔ ŋį́ naa diɛ, kaa ɓə ŋą́ naa kaa.»