Lonon mo 26 - Yálá laawoo hɛɓɛ (dc)

¹ Yai-Laa yɛ Moisə da ɉaláá laa həli mun Aarɔn lon Eleazarə diɛ:

² «'Ka Israɛlə lonnii kəlee lonon a bɛlɛ́ɠaa laa; nuąi kpɔ di kaa kwɛlan aa həli pow hveelɛ ɓa, yɛ li bulu pələ, diɛ kɛa pɛli kɔ́ kɔ́i Israɛlə kɔlaɠaɠaai lɔwai.»

³ Moisə da ɉaláá laa həli mun Eleazarə di mo nuą diɛ, Moabə yɛɛ kɔ́wɔ hu, Ɉurdɛn kwɛlɛ; Ɉeriko tənən ma. Di mo diɛ, diɛ mą:

⁴ «Di kaa pai ɉinąą lonoi yiiɠaai di kaa kwɛlan aa həli pow hveelɛ ɓa, yɛ li bulu pələ; yɛ bələi Yai-Laa ə Moisə tí la.» Israɛlə lonnii kulɔ Eziptə lɔi hu, diɛ ka:

⁵ Rubɛn lonnii di wɔ pɛlɛ́ɠaai ka, yai kɛ a Israɛlə lon dɔlɔɔ. Diɛ ɓa a: Hanɔkə lonnii di wɔ pɛ́lɛ́i; Palu lonnii di wɔ pɛ́lɛ́i.

⁶ Hɛsrɔn lonnii di wɔ pɛ́lɛ́i; Karmi, lonnii di wɔ pɛ́lɛ́i.

⁷ Rubɛn lonnii di wɔ kwəliɠaai ka tii. Di pɛlɛɛ di kee ɓa, di kɛ a nu waa pow nąąn kɔ́w haaɓa pulu nwun mɛ̨ihveelɛ ɲee haaɓa (43730).

⁸ Palu lon dɔ̨nɔ̨ ɓaa kɛ a Eliavə.

⁹ Eliavə lonnii ka: Nemuɛlə, Datan da Abiramə. Datan da Abiramə tii di kɛ a nu kpɛa-kpɛa nuą lɔwai. Diɛ ka tii di muhəɠə Moisə da Aarɔn di laa ɓa, da Kore nwɔ nuą ɓə kɛ di tɔɔ, ɓɛlɔwai di tɔɔ la Yai-Laa la.

¹⁰ Lɔi laa ə ɓo di yɛɛ ɉu, da Kore ni di kpulu nwun na yɛ pili, ɛlɛɛ nwɔ̨nɔ̨ yɛ nu nwun veelɛ yee lɔɔli hu kala. Diɛ kɛ la a nuąi da mɛ̨nį kɔ́ɔn diɛ.

¹¹ Kore lonnii di wɛi, di hvo haa.

¹² Simeɔn lonnii di wɔ pɛlɛ́ɠaai ka: Nemuɛlə lonnii di wɔ pɛ́lɛ́i; Yamin lonnii di wɔ pɛ́lɛ́i; Yakin lonnii di wɔ pɛ́lɛ́i;

¹³ Zera lonnii di wɔ pɛ́lɛ́i Saulə lonnii da di wɔ pɛlɛ́ɠaai.

¹⁴ Simeɔn huwu nwɔ pɛlɛ́ɠaai ka tii, di kɛ a: nu waa pow hveelɛ kɔ́w hveelɛ pulu nwun veelɛ (22.200).

¹⁵ Gadə huwu nwɔ pɛlɛ́ɠaai ka: Sefɔn lonnii di wɔ pɛ́lɛ́i; Hagi lonnii di wɔ pɛ́lɛ́i; Suni lonnii di wɔ pɛ́lɛ́i,

¹⁶ Ozni lonnii di wɔ pɛ́lɛ́i; Eri lonnii di wɔ pɛ́lɛ́i;

¹⁷ Arɔdə lonnii di wɔ pɛ́lɛ́i; Areli lonnii di wɔ pɛ́lɛ́i.

¹⁸ Gadə huwu nwɔ pɛlɛ́ɠaai ka tii. Di kɛ a: nu waa pow nąąn pulu nwun nɔɔli (40.500).

¹⁹ Ɉuda lonnii hinąą laa ka: Ɛrə da Onan. Ɛrə da Onan di haa Kanaan lɔi hu.

²⁰ Ɉuda lonnii laa ka da di wɔ pɛlɛ́ɠaai: Sela lonnii di wɔ pɛ́lɛ́i; Pɛrɛsə lonnii di wɔ pɛ́lɛ́i; Zera lonnii di wɔ pɛ́lɛ́i.

²¹ Pɛrɛsə lonnii ka: Hɛsrɔn lonnii di wɔ pɛ́lɛ́i di kulɔ Hamulə lonnii di wɔ pɛ́lɛ́i mu.

²² Ɉuda huwu nwɔ pɛlɛ́ɠaai ka tii. Di kɛ a: Nu waa pow mɛ̨ihveelɛ kɔ́w mɛ̨ida pulu nwun nɔɔli (76.500).

²³ Isakarə lonnii di wɔ pɛlɛ́ɠaai ka: Tola lonnii di kulɔ Pua lonnii di wɔ pɛ́lɛ́i mu;

²⁴ Yasuvə lonnii di wɔ pɛ́lɛ́i; Simrɔn lonnii di wɔ pɛ́lɛ́i.

²⁵ Isakarə huwu nwɔ pɛlɛ́ɠaai ka tii. Di kɛ a: Nu waa pow mɛ̨ida kɔ́w nąąn pulu nwun ɉaaɓa (64.300).

²⁶ Zabulɔn lonnii di wɔ pɛlɛ́ɠaai ka: Sɛrɛdə lonnii di kulɔ Sɛrɛdə; Elɔn lonnii di wɔ pɛ́lɛ́i mu; Yaleɛlə lonnii di wɔ pɛ́lɛ́i.

²⁷ Zabulɔn huwu nwɔ pɛ́lɛ́i ka tii. Di kɛ a: Nu waa pow mɛ̨ida pulu nwun nɔɔli (60.500).

²⁸ Manase da Ɛfraimə ɓə a Ɉosɛfə huwu.

²⁹ Manase lonnii di wɔ pɛlɛ́ɠaai ka: Makirə lonnii di wɔ pɛ́lɛ́i; Makirə lon maa Galaadə.

³⁰ Galaadə lonnii di wɔ pɛlɛ́ɠaai ka: Iezɛrə lonnii di wɔ pɛ́lɛ́i; Helɛkə lonnii di wɔ pɛ́lɛ́i.

³¹ Asriɛlə lonnii di wɔ pɛ́lɛ́i; Sɛkɛmə lonnii di wɔ pɛ́lɛ́i.

³² Semida lonnii di wɔ pɛ́lɛ́i; Hefɛrə lonnii di wɔ pɛ́lɛ́i.

³³ Hefɛrə lon Selofehadə hvo lon ɉulɔnu hɔlɔɓo, nɛ̨ąą lɔ ɓə ə di kaa. Diɛ ɓaa: Mala, Noa, Hogla, Milka da Tirsa.

³⁴ Manase lonnii di wɔ pɛlɛ́ɠaai ka tii. Di kɛ a: Nu waa pow lɔɔli kɔ́w hveelɛ pulu nwun mɛ̨ihveelɛ (52.700).

³⁵ Ɛfraimə lonnii di wɔ pɛlɛ́ɠaai ka: Sutela lonnii di wɔ pɛ́lɛ́i, Bɛkɛrə lonnii di wɔ pɛ́lɛ́i; Tahan lonnii di wɔ pɛ́lɛ́i.

³⁶ Eran ə kɛ a Sutela lon. Eran lonnii di wɔ pɛ́lɛ́i.

³⁷ Ɛfraimə lonnii di wɔ pɛlɛ́ɠaai ka tii. Di kɛ a: Nu waa pow haaɓa kɔ́w hveelɛ pulu nwun nɔɔli (32.500). Manase da Ɛfraimə di wɔ pɛlɛ́ɠaai tii ɓə kɛ a Ɉosɛfə huwu.

³⁸ Bɛnɉamɛn lonnii di wɔ pɛlɛ́ɠaai ka: Bɛla lonnii di wɔ pɛ́lɛ́i; Asbɛlə lonnii di wɔ pɛ́lɛ́i; Ahiramə lonnii di wɔ pɛ́lɛ́i;

³⁹ Sefufamə lonnii di wɔ pɛ́lɛ́i; Hufamə lonnii di wɔ pɛ́lɛ́i.

⁴⁰ Bɛla lonnii hee kpəlin na ka: Ardə lonnii di wɔ pɛ́lɛ́i; da Naaman lonnii di wɔ pɛ́lɛ́i.

⁴¹ Bɛnɉamɛn lonnii di wɔ pɛlɛ́ɠaai ka tii. Di kɛ a: Nu waa pow nąąn kɔ́w lɔɔli pulu nwun mɛ̨ida (45.600).

⁴² Dan huwu ə kɛ a pɛlɛ́ tɔ̨nɔ̨. Suhamə lonnii di wɔ pɛ́lɛ́i.

⁴³ Di kɛ a: Nu waa pow mɛ̨ida kɔ́w nąąn pulu nwun nąąn (64.400).

⁴⁴ Asɛrə lonnii di wɔ pɛlɛ́ɠaai ka: Yimna lonnii di wɔ pɛ́lɛ́i; Yiswi lonnii di wɔ pɛ́lɛ́i Beria lonnii di wɔ pɛ́lɛ́i.

⁴⁵ Beria lonnii hee kpəlin na ka: Hebɛrə lonnii di wɔ pɛ́lɛ́i; Malkiɛlə lonnii di wɔ pɛ́lɛ́i.

⁴⁶ Asɛrə ə lon nɛ̨ɛ̨nu kaa, naa ɓaa Sɛra.

⁴⁷ Asɛrə lonnii di wɔ pɛlɛ́ɠaai ka tii. Di kɛ a: Nu waa pow lɔɔli kɔ́w haaɓa pulu nwun nąąn (53.400).

⁴⁸ Nɛftali lonnii di wɔ pɛlɛ́ɠaai ka: Yahseɛlə lonnii di wɔ pɛ́lɛ́i; Guni lonnii di wɛi;

⁴⁹ Yesɛrə lonnii di wɔ pɛ́lɛ́i; Silɛmə lonnii di wɔ pɛ́lɛ́i.

⁵⁰ Nɛftali lonnii di wɔ pɛlɛ́ɠaai ka tii. Di kɛ a: Nu waa pow nąąn kɔ́w lɔɔli pulu nwun nąąn (45.400).

⁵¹ Israɛlə lonnii kəlee pɛlɛ di kee ɓa, di kɛ a: Nu waa nwun mɛ̨ida kɔ́w tanɔ̨n pulu nwun mɛ̨ihveelɛ ɲee haaɓa (601.730).

⁵² Yai-Laa yɛ Moisə ɓa:

⁵³ «Nuąi ŋɛ̨i ɓə nɔi ɲąą kaa pai kwɛlɛi di lɔwai, ə kɛ a di kwɛlin. Yɛ pɛli di tamą pələ ɓa.

⁵⁴ Huwui a kɛnɛ̨, yá nwɔ lɔi kɛnɛ̨. Huwui a kolo, ə́ nwɛi kolo. Di kaa pai huwu kəlee nwɔ lɔi kɔ́ɔn ɉi, yɛ bələi di kpulu a kɛ la.

⁵⁵ Kɛlaa, ə mą kɛ tii, di kaa pai nɔi ɲąą kwɛlɛi a kpɛɛn. Nuą kaa pai di wɔ lɔi hɔlɔɓoi, yɛ bələi di tamąą la di huwu hu.

⁵⁶ Ka gɔ́ a kpɛɛn, yili ɓə pai nu kəlee nwɛi lɛi mą. Gaa pai huwu kəlee nwɔ lɔi tɛɛi bɔ, yɛ bələi nwɔ nu kpulu a kɛ la.»

Levi lonnii

⁵⁷ Levi lonnii lonoɔ ka; a bɛlɛ́ɠaa laa: Gɛrsɔn lonnii di wɔ pɛ́lɛ́i; Kehatə lonnii di wɔ pɛ́lɛ́i, Merari lonnii di wɔ pɛ́lɛ́i.

⁵⁸ Levi lonnii tii hee kpəlin na kɛ pələ ka: Livni nwɔ pɛ́lɛ́i; Hebrɔn lonnii di nwɔ pɛ́lɛ́i; Mahli nwɔ pɛ́lɛ́i, Musi nwɔ pɛ́lɛ́i, Kore nwɔ pɛ́lɛ́i. Kehatə lon maa kɛ a Amramə.

⁵⁹ Amramə nɛ̨ą laa ɓaa kɛ Yokɛvɛdə, yai kɛ a Levi lon nɛ̨ɛ̨nu. Levi ə ɉɔlɔɓo Eziptə lɔi hu. Nɛ̨ɛ̨nui tii da Amramə ɓə Aarɔn Moisə da di mąąhala Miriamə di hɔlɔɓo.

⁶⁰ Aarɔn ə Nadavə, Avihu, Eleazarə da Itamarə di kaa.

⁶¹ Nadavə da Avihu di haa, ɓɛlɔwai di paa la Yai-Laa lííla a nwɔ̨n lúwɔ́ hvo kɛ too li mą.

⁶² Levi lonnii pɛlɛɛ gee ɓa, di kɛ a nu waa pow hveelɛ kɔ́w haaɓa (23.000) diɛi kɛ a Levi lon ɉinąą kəlee; diɛi di kaa kwɛlan ə gɔwɔ tɔɔ ɲąnin dɔ̨nɔ̨ ɓa. Di wɛi di hvo di lonon da Israɛlə lonnii. Mąąhɔlɔɓo di hvo lɔi tɛɛ di pɔ Israɛlə lonnii lɔwai.

⁶³ Nuąi Moisə da ɉaláá laa həli mun Eleazarə di di lonon, a nonon ɓo kɛ yələ, Moabə yee kɔ́wɔ hu, Ɉurdɛn yá kwɛlɛ, Ɉeriko tənən ma, diɛ ka tii.

⁶⁴ Nuąi kpɔ tii Moisə da ɉaláá laa həlimun gɛnɛ̨ Aarɔn di di lonon, a ɓɛlowai di Israɛlə lonnii lonon na Sinai nɔi pun ɉu, di ta lɔpee hvo kɛa kɛ yɛnɛ̨ɛ̨,

⁶⁵ Mąąhɔlɔɓo, Yai-Laa ə mo yɛ di kaa pai haai nɔi pun ɉu. Ɛlɛɛ yaan, di ta lɔpee hvo kɛa kɛ yɛnɛ̨ɛ̨, ə kulɔ Yefunɛ lon Kalɛbə da Nun lon Ɉosue di pulu.