Lonon mo 2 - Yálá laawoo hɛɓɛ (dc)

Bələi mąąnɛ̨ɛ̨ di muwu pɛlɛ la

¹ Yai-Laa yɛ Moisə da Aarɔn diɛ:

² «Israɛlə lonnii da kɛi muwu pɛlɛ, pɛlɛ́ kəlee ə lɛɛ ɲəi gwəlii, di wɔ ɉilɛyili mu, di tinɛ̨n ŋąą gee kaa kələ ɓa, di mąą tawolo ə kɛ a gwɛaa mą.

³ «Ɉuda lonnii di wɔ kwəlii a lɛɛ voló həɠəi pələ, Ɉuda lonnii tii, di di laa pɛ̨ɛ̨, di nwun nąmu ɓaa a Aminadavə lon Nasɔn.

⁴ Nwɔ kuláaɠaai di kɛ a nu waa pow mɛ̨ihveelɛ kɔ́w nąąn pulu nwun mɛ̨ida (74600);

⁵ da Isakarə huwu ɓə pai heei di kee la, da Zabulɔn huwu. Isakarə lonnii di nwun nąmu ɓaa Suarə lon Netanɛlə,

⁶ yai nwɔ kuláaɠaa kaa a nu waa pow lɔɔli kɔ́w nąąn pulu nwun nąąn (54400).

⁷ Zabulɔn lonnii di nwun nąmu ɓaa Helɔn lon Eliavə;

⁸ nwɔ kuláaɠaa kaa a nu waa pow lɔɔli kɔ́w mɛ̨ihveelɛ pulu nwun nąąn (57400).

⁹ Ɉuda nwɔ kuláaɠaa da pɛlɛ gee ɓa, di kaa a nu waa nwun dɔ̨nɔ̨ waa pow mɛ̨ihaaɓa kɔ́w mɛ̨ida pulu nwun nąąn (186400), a kɔlaɠa heei haaɓa. Diɛ ɓə da hvilɛn di ɓɛlaa tɔwɔ.

¹⁰ «Nuąi pai kɛi Rubɛn nwɔ ɓuwui hu, ɉɛɠɛɛ pələ, diɛ ka: Sedeurə lon Elisurə ɓə gaa a Rubɛn nwɔ kɔlaɠai nąmu.

¹¹ Nwɔ kɔlaɠai hu nuą kaa a nu waa pow nąąn kɔ́w mɛ̨ida pulu nwun nɔɔli. (46500)

¹² Nuąi pai kɛi gwɛlɛ, diɛ ka: Simeɔn nwɔ nu huwu, da Gadə nwɔ nu huwu. Surisadai Selumiɛlə ɓə a Simeɔn nwɔ kɔlaɠa nąmu.

¹³ Nwɔ kɔlaɠai hu nu kaa a nu waa pow lɔɔli kɔ́w mɛ̨inąąn pulu nwun ɉaaɓa (59300).

¹⁴ Ɛlɛɛ, Gadə lonnii nwun nąmu, yii gaa a Reuɛlə lon Ɛliasafə,

¹⁵ nwɔ kɔlaɠai hu nu lonoɔ kaa a nu waa pow nąąn kɔ́w lɔɔli pulu nwun mɛ̨ida ɲee lɔɔli (45650).

¹⁶ Rubɛn nwɔ kɔlaɠai hu nuą kəlee kaa a nu waa nwun dɔ̨nɔ̨ nu waa pow lɔɔli kɔ́w tɔ̨nɔ̨ pulu nwun nąąn ɲee lɔɔli (151450), di kɛ a kɔlaɠa heei haaɓa pɛlɛɛ gee ɓa, diɛ ɓə da lɛɛ nu kpulu dɔlɔɔ pulu.

¹⁷ «Yili pulu kɛa, Levi lonnii diɛ kɛa li a gee kaa kələ, diɛi tii ka kɛ muwu hąmąi. Da kɛ lii a di yɛli, ɓɛi ka kɛi muwu pɛlɛ laa, nu kəlee a lɛɛ ɉuwu pulu, nu huwu dɛitɛi kəlee da ɉeei.

¹⁸ «Voló tooi pələ, gɔláɠai a Ɛfraimə nu huwu nwɛi, yai Amihudə lon Elisama kaa a di nwun nąmu.

¹⁹ Nwɔ kɔlaɠai kaa a nu waa pow nąąn pulu nwun nɔɔli (40500).

²⁰ Nuąi da diɛ ni di kaa pai kɛi kɛɛnąą tɔ̨nɔ̨, diɛ ka: Manase nwɔ nu huwui, da Bɛnɉamɛn nwɔ nu huwui. Pedasurə lon Gameliɛlə ɓə gaa a Manase nwɔ nu huwui nwun nąmu.

²¹ Nwɔ kɔlaɠai kaa a nu waa pow haaɓa kɔ́w hveelɛ pulu nwun veelɛ (32200).

²² Ɛlɛɛ Bɛnɉamɛn lonnii nwun nąmu ɓaa Gideoni lon Avidan,

²³ nwɔ kɔlaɠai kaa a nu waa pow haaɓa kɔ́w lɔɔli pulu nwun nąąn (35400).

²⁴ Ɛfraimə nwɔ kɔlaɠai hu nuą kaa a nu waa nwun dɔ̨nɔ̨ nu waa mɛ̨ihaaɓa pulu nwun dɔ̨nɔ̨ (108100), a kɔlaɠai heei haaɓa pɛlɛɛ gee ɓa; diɛ ɓə pai kɛi a nu kpulu ɉaaɓanąą.

²⁵ «Ɲələi pələ, Dan nwɔ kɔlaɠai ɓə pai kɛi laa pələ. Amisadai lon Ahiezɛrə ɓə a Dan lonnii nwun nąmu.

²⁶ Nwɔ kɔlaɠai kaa a nu waa pow mɛ̨ida kɔ́w hveelɛ pulu nwun mɛ̨ihveelɛ (62700).

²⁷ Nuąi da diɛ ni di kaa pai kɛi di kee kwɛlɛ, diɛ ka: Asɛrə nu huwu da Nɛftali nu huwu. Okran lon Pagiɛlə ɓə Asɛrə nu huwui nwun na.

²⁸ Nwɔ kɔlaɠai kaa a nu waa pow nąąn kɔ́w tanɔ̨n pulu nwun nɔɔli (41500).

²⁹ Ɛlɛɛ Nɛftali lonnii nwun nąmu ɓaa: Einan lon Ahira.

³⁰ Nwɔ kɔlaɠai kaa a nu waa pow lɔɔli kɔ́w haaɓa pulu nwun nąąn (53400).

³¹ Dan nwɔ ɓuwui hu nuą kəlee kaa a nu waa nwun dɔ̨nɔ̨ nu waa pow lɔɔli kɔ́w mɛ̨ihveelɛ pulu nwun mɛ̨ida (157600), diɛ ɓə pai lii a gbəla mąą. Gɔ́láɠaa tii kaa pai kɛi lii di kpulu ɓa di kee pulu.»

³² Israɛlə lonnii kəlee lonɔɔ ka, a diɛi a kuláaɠaa: Nu waa nwun mɛ̨ida nu waa haaɓa pulu nwun nɔɔli ɲee lɔɔli (603550).

³³ Levi lonnii laa hvo kɛ Israɛlə lonnii lonɔɔ lɔwai, yɛ bələi Yai-Laa ə mo la Moisə ɓa.

³⁴ Israɛlə lonnii di gɛ, yɛ bələi Yai-Laa ə mo la Moisə ɓa, bələ ɓə di kɛi gwəliɠaa hee la muwu pui tɛi tɛi ɓa. Diɛ li a bɛlɛ́ɠaa laa da gwəli laa.