Ikilisiati 10 - Yálá laawoo hɛɓɛ (dc)1 Liili powa a wulɔ kun nɛ̨ɛ̨ kala, bələ lɔ ɓə kilikpɛɛgwəi logolo a kilimąą mɛ̨nį hukala la. 2 Kilimąą mun gili a kóló lɛlɛɛ kɛ, Kɛlaa, kilikpɛɛgwəi mun a mɛ̨nį kəlee ŋąą kaa lɔ a gɔɓɛi pələ. 3 Ə mą kɛ kilikpɛɛgwəi mun a hvilɛn pələ pɔ, nu kəlee da gɔlɔn, diɛ mą: mowoɔi. Mąąhɔlɔɓo, kili tanɔ̨n gbɛli hvo mą. 4 Ə́ nwun nąmu a niiɲąnwąną ə́ pɔ, hvo həɠə ə́ tɔɔi, hvo ə́ kɛ kóló lɛɛ. Mąąhɔlɔɓo, líilaamun mə ŋą mə́nə́n a mɔ̨. 5 Ŋą́ą́ mɛ̨nį ɲɔ̨n da kaa lɔi mɛ̨i ɓɛ, ya ɓaa: Tɔɔmun da a pɛli ə lan; da ɓaa nwɔ̨nɔ̨: 6 Ŋą́ą́ kilikpɛɛgwəi nuą kaa, tɔɔi kɛnɛ̨ ə ɓo di yəi nɔi mɛ̨nį hu, yaamun, nu ɓɛlɛmąąɠaa diɛ ɓo di yee mu a kólóɓɛlaa. 7 Ŋą́ luwɔɠaa kaa heeni hoo mɛ̨i, tɔɔɓɛlaa lonnii diɛ hiɛ di kɔ́wɔ ŋą yɛ diɛmun da kɛ a luwɔɠaa. 8 Lɔwai nu a dee, ya ɓə a too ɉu. Nu a gala wolo tee mą, kaalə a tɛɛ laa ə ɲįn. 9 Kwɛni ɓə a kwɛni ɓɛlamun mąą nwąną. Kwɛi yɛ kwɛi ɓɛlamun, mąą nwąną. 10 Kóló kɛ kwɛli hɛn ŋąą a haa, yá wala ɲąąli a nɛlɛɛ, hvo kɛli ya ə́ hvaŋą həɠə kɛnɛ̨. Yaan, kili mɛ̨nį ɓə gaa a tɛ tɔwɔlaa kɛ kwɛli hɛn. 11 Kaalə a kaalə-ɉowo paa, ɉowolaa yili nwun maa a lə? Kili da ɓowo 12 Kilimąą mun vaa woo a mąąwiɛ nuą lɔwai, Kɛlaa, kilikpɛɛgwəi mun vaa woo a mɛlɛkpɛɛ mą nu lɔwai. 13 Kilikpɛɛgwəimun a nwoo kɔ́wɔ tɔɔ a kilikpɛɛgwəilaa, ə naa kulɔ a ɓowo wooi nwun və mą; 14 A kɛ tii kɛa, hva kɛa naapilɛ. Yaan, nu hvo ɉaa pulu mɛ̨nį kɔlɔn, gbɛɛ a pɛli nɛi mą? 15 Kilikpɛɛgwəimun a gbɔwɔ hvįikpɛɛ mɛ̨nį logolo hu, bələi kɛa ə tɛɛ la, yɛ li taai, hvo bələ kɔ́lɔn. 16 Lɔi ɉu tɔɔmun gaa a hulɔnon, ɛlɛɛ, ɉu ɲɛ̨itɔwɔ nuą, di laa mį́i mɛ̨nį lɔ ɓə di gɔlɔn, kpalo ɓɛlaai yili mąą lɔi ɓa. 17 Lɔi ɲąąwooɓomun ə kulɔ tɔɔmun kwəlii, ɉu ɲɛ̨itɔwɔ nuą diɛ di laa mį́i a mį́i lɔwai, ə gɛ lɔ di hvaŋą hɔlɔɓo, ɛlɛɛ, di hvo bɔ di hvo kɛ a lɔɔ honŋąą, nwun na nɛ̨ɛ̨ lɔi li. 18 Hviɲɛ̨mun mə, nwɔ pɛ́lɛ́i gɔnma a kulɔ, bɛlɛ́ yɛ pu mɛ̨i. Hvįikpɛɛmun mə ya a lɔ ɲəi bɛlɛ́n. 19 Hɛn gɔw nąmįną da kɛ di di ɲąąnɛ̨ɛ̨ gulɔ, hɛli ɓə da bu, hɛn gɔw ɓə a ɲąŋą tɛ nu hu; wali a pɛlɛ́ kəlee laa ɓo. 20 'Hvó kɛ ə́ kaa tɔɔmun nwɔ tɔɔlaa mąąkulɔi, ə mą kpɛli kɛ ə́ tɔ̨nɔ̨ kɛɛnąą. 'Hvó kɛ ə́ kaa hɛn gɔw nąmu laa ɲɔ̨nwɔ̨ɔ̨ ɓoi, ə́ mą kpɛli kɛ ə́ laa ə́ yəi bɛlɛ́n gbin ɲą. Mąąhɔlɔɓo, nu pɔɔ ɓaa a pələ, ə́ pɔɔ hvaa a gɛlɛ. |