Azaya 4 - Yálá laawoo hɛɓɛ (dc)1 Mąą yələ, nɛ̨ąą mɛ̨ihveelɛ kaa pai hulɔnu tɔ̨nɔ̨ mąąkɔ̨nwɔ̨i, diɛ kɛ mą: «Ku kaa pai ku kpɔwɔ kɔ̨nɔ̨n gɛi, kuɔ ku kpɔwɔ mąą həɠə kɛ, yálálɔ ə́ laa ə kɛ kuɔ, ə́ nwumɛ̨ həɠə ku ɲɛ̨i!» Ɉerusalɛmə nu kpəlii pai lɛɛi 2 Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį. 3 Nąąlɔwai, nuąi pai kulɔi ɉu, Siɔn daai nuąi kpəli woloi pai lɛɛi, Ɉerusalɛmə daai nuąi pai lɛɛi a di hvulú, di kaa pai di laa heei a: nu mąąhəɠɛɛɠaa, di kaa pai di kəlee di laa pɛ̨ɛ̨i Ɉerusalɛmə, diɛ pɛli lɛɛi yɛnɛ̨ɛ̨. 4 Ɓɛlɔwai Ną́mu kaa pai nɔ̨nwɔ̨ waai la Siɔn nɛ̨ɛ̨lɛa diɛ, ɲąmąi di bu Ɉerusalɛmə yɛ nwaa a kiti haŋąą da nwɔ̨n. 5 Siɔn yee nwuɔ̨ nąą kəlee, da ɲąąkpɔnŋąą kəlee mɛ̨i, Yai-Laa kaa pai tulɔ kpinįn bɛlɛi di mɛ̨i hvóló ŋą, ə kɛ a nwɔ̨n nən di mɛ̨i kpinįi. Yai-Laa nwɔ mąąwiɛ a gbąnąn bili gəlee mɛ̨i, 6 A kɛ yɛ gbɛɓɛlɛ, yɛ da kələ mąąɓo a kələ laa; yɛ nįnįn gɛ nu mɛ̨i, yɛ kpəɲąn wəleen gɛnɛ̨ tɔwɔ, ə ɓo a nu mąąkilɛ, a tulɔ teen ɉii, da tulɔ hvaŋą. |