Azaya 20 - Yálá laawoo hɛɓɛ (dc)Yálá kwəi mɛ̨nį hukulɔ mun gɔwɔn mąą ɓaa a Eziptə 1 Gwɛlan tii, Asiri tɔɔmun Sargɔn ə nwɔ kɔlaɠai tɛɛ la, ə pa ə wolo Asdɔdə taa ɓa, ə ɉon. 2 Nąąlɔwai, Yai-Laa ə pələ ɓo Amɔsə lon Esai ɓa, yɛ mą: «'Li, ɉəɠə ɓɛlai tii ə́ ləŋəi, ə́ volóon, gɔlɔi tii ə́ kɔ́wɔ ŋą, ə́ gulɔ.» Ə li ə gɛ tii, yɛ li a gbuwulu, kɔ́lɔ hvo kɛ gɔwɔ ŋą. 3 Yai-Laa yɛ diɛ: «Nwɔ́ tí mun Esai aa kwɛlan ɉaaɓa kɛ, ə ɓo a gbuwulu, kɔ́lɔ hvo gɔwɔ ŋą; mɛ̨nįi pai laai Eziptə da Nubi diɛ, gɔlɔn ɉɛn ga tii. 4 Bələ ɓə Asiri tɔɔmun gaa pai lii la a Eziptə nuą, da Nubi nuą, kɔluwɔlaa hu. Ɉilɛlɛa da ɉilɛgoloɠaa di ɓo a di kpuwulu, kɔ́lɔ hva kɛ di kɔ́wɔ ŋą, bɛlɛ hva kɛ diɛ, diɛ di wulɛn gaa; a kɛ Eziptə ɓa a nwumɛ̨. 5 Nuą kwəi a pili diɛ, di ɲɛ̨i ə paa, Nubi mąą mɛ̨nį ɓa; yai di ɲɛ̨i heɛ kɛ mą, da Eziptə; yai nuą di kɛi di nwun dɛ a mąą mɛ̨nį.» 6 Nɔiɠaa ŋɛ̨i hu nuą diɛ kɛa kɛ diɛ: «Nuąi ku ɲɛ̨i heɛ kɛ di pɔ pələ, kuɔ kɛ ku ku mąąkilɛ laa, diɛ kpɔnmąą tɛɛ ku pɔ, diɛ ku kulɔ Asiri tɔɔmun ɲəi, diɛ ka; kwa pɛli kɛa kulɔ pələ kɛi ləi ɉu?» |