Tɔɔɓɛlaa dɔlɔɔ 4 - Yálá laawoo hɛɓɛ (dc)

Salomɔn ə nwɔ kalanɉonŋaa hee

¹ Salomɔn ɓə kɛ a tɔɔmun Israɛlə lɔi kəlee nwun na.

² Nwun galanɉonŋaai ə di hee ɲee mu, diɛ tí mą, diɛ ka: ɉaláá laa həli mun maa a Sadɔkə lon Azariahu;

³ Ɉɛɓɛ́ kɛ nuą ɓaa: Sisa lonnii Elihorɛfə da Ahiya, ɛlɛɛ, nui dɔɔ pɛlɛ́ mu mɛ̨nįɠaa kəlee di kɛ ɲee ŋą, ya ɓaa: Ahiludə lon Yehosafatə;

⁴ Gɔ́laɠa nwun nąmu ɓaa: Yehoyada lon Benayahu. Ɉaláá laa həli nuą ɓaa: Sadɔkə da Abiatarə.

⁵ Natan lon Azariahu ɓə kɛ a nɔi ɲąąwooɓo nuą nwun nąmu, ɉaláá laa həli mun Natan lon Ɉavudə ɓə kɛ a tɔɔmun nwɔ nwundɔɔ hu mun.

⁶ Dɔɔ pɛlɛ́ nwun nąmu ɓaa Ahisarə; Avda lon Adoniramə ɓə kɛ bɔlɔtɛ kóló nwun na.

⁷ Nu pow kɔ́w hveelɛ ɓə Salomɔn ə ɉee Israɛlə lɔi kəlee nwun na, diɛ nɔi ɲąąwooɓo. Diɛ ɓə kɛi tɔɔmun da ɲəi bɛlɛ́n nuą kɔ̨nɔ̨n dɛɛ; da dɛɛ kɛ a ɲąnin dɔ̨nɔ̨ kwɛlan dɛitɛi kəlee yeemu. Goɓitaa tɛitɛi kəlee nwɔ ɲąnin dɔ̨nɔ̨, kwɛlan dɔ̨nɔ̨ yeemu.

⁸ Nuą tii laa ka: Hurə lon ɓə kɛ Ɛfraimə ɲee lɔiɠaa nwun na.

⁹ Dɛkɛrə lon mə kɛ Makasə, Saalvimə, Bɛtə-Sɛmɛsə da Elɔn-Bɛtə-Hanan lɔiɠaa nwun na.

¹⁰ Hɛsɛdə lon mə kɛ Arubotə lɔi nwun na, Soko da Hefɛrə lɔi kəlee di ɓo ɲee mu.

¹¹ Avinadavə lon mə kɛ Dɔrə lɔi nwun na; ya ɓə Salomɔn lon Tafatə həɠə a nɛ̨ą.

¹² Ahiludə lon Baana ɓə kɛ, Taanakə da Megido ɛlɛɛ Bɛtə-Sean lɔi kəlee, yai kɛ Sartan kwɛlɛ Izreɛlə lɔi kɔ́wɔ mu. Ə həɠə Bɛtə-Sean ə həli Avɛlə-Mehola, yɛ li kpɔ Yokmoamə pulu.

¹³ Gɛvɛrə lon mə kɛ Ramotə Galaadə lɔi nwun na; ɛlɛɛ, Manase lon Yairə nwɔ taaɠaai di ɓo ɲee mu; diɛi kɛ Galaadə lɔi hu. Argɔvə lɔi kɛ Basan nɛ̨ŋɛ̨ lɔi hu, ɓɛi taa kpɛa kpɛaa pow mɛ̨ida ə kɛ laa, mąą tinɛ̨n ŋąą a hįi, kpon ə ɓo na, nwului da naa gbon bulu, ə ɓo a ɓala kwɛli. Gəlee di ɓo ɲee mu.

¹⁴ Ido lon Ahinadavə ə ɓo Mahanaimə nwun na.

¹⁵ Ahimaasə ə ɓo Nɛftali lɔi nwun na, yaa kpɛli mąn, ə Salomɔn lon Basmatə həɠə a nɛ̨ą.

¹⁶ Husai lon Baana ə ɓo Asɛrə lɔi da Bealotə lɔi nwun na.

¹⁷ Parua lon Yehosafatə ə ɓo Isakarə lɔi nwun na.

¹⁸ Ela lon Simei ə ɓo Bɛnɉamɛn lɔi nwun na.

¹⁹ Uri lon Gɛvɛrə ə ɓo Galaadə lɔi nwun na, Amɔrə nuą di wɔ tɔɔmun Sihɔn da Basan tɔɔmun Ogə nwɔ lɔi. Di ɲąąwooɓomun ə kɛ tanɔ̨n.

²⁰ Ɉuda nuą Israɛlə nuą, di kpulu hu kɛnɛ̨ɛ̨ kɛ yɛ gboloyá kwɛlɛ ɲɛ̨ą kɔ́w. Di kɔ̨nɔ̨n ə kɛ di yəi, da di kpələ lɔɔ, ɛlɛɛ, di ɓo di nɛ̨ɛ̨ hu.