Kɔlɔnikɔ Maa-ŋuŋ 7 - Yálá laawoo hɛɓɛ (dc)

Bɛlɛ yiiɠaa tii

¹ Isakarə lonnii: Tola, Pua, Yasuvə da Simrɔn; di kɛ a nu nąąn.

² Tola lonnii: Uzi, Refaya, Yeriɛlə, Yahmai, Yivsamə da Semuɛlə. Nuą tii ɓə kɛ a pɛlɛ́ nąmįną Tola nwɔ pɛlɛ́i mu. Diɛ ɓə nwɔ̨nɔ̨ kɛ a kulááɠaa a Davidə ŋą yələi. Di kɛ a nu waa pow hveelɛ kɔ́w hveelɛ pulu nwun mɛ̨ida.

³ Uzi lon maa: Yizrahia. Yizrahia lonnii, di kɛ a nu nąąn, diɛ ɓaa: Mikaɛlə, Ovadia, Yoɛlə da Yisiya; di kəlee di kɛ a pɛlɛ́ nąmįną.

⁴ Yɛ bələi di kpulu tamąąi kɛ la a pɛlɛ́ɠaa, diɛ kpɛli mąn, kɔlaɠaɠaa di kɛ di yəi, di ɓo a nu waa pow haaɓa kɔ́w mɛ̨ida, ə lɛɛ, nɛ̨ąą kpulu da lɛapɛlɛɛ di ɓo di yəi.

⁵ Di kaayɔwɔɠaa tii kɛ a Isakarə lonnii, di kɛ a nu waa pow mɛ̨ihaaɓa kɔ́w mɛ̨ihveelɛ a kulááɠaa, yɛ bələi nonon mo hɛɓɛ́ ə di lɛ la.

Bɛnɉamɛn nwɔ pɛlɛ́i da Nɛftali nwɔ pɛlɛ́i

⁶ Bɛnɉamɛn lonnii di kɛ a nu haaɓa, diɛ ɓaa: Bɛla, Bɛkɛrə da Yediɛlə.

⁷ Bɛla lonnii di kɛ a nu lɔɔli, diɛ ɓaa: Ɛsbɔn, Uzi, Uziɛlə, Yerimotə da Iri; gəlee di kɛ a kulááɠaa, diɛ ɓo a pɛlɛ́ nąmįną. Bɛlɛ́ɠaa tii laa kaa nonon mo hɛɓɛ́ hu, di kɛ a nu waa pow hveelɛ kɔ́w hveelɛ, nu yee haaɓa kɔ́w nąąn.

⁸ Bɛkɛrə lonnii di kɛ a nu mɛ̨inąąn, diɛ ɓaa: Ɉemira, Yoasə, Eliezɛrə, Ɛlioenai, Omri, Yeremotə, Aviya, Anatotə da Alɛmɛtə. Diɛ ɓə kɛ a Bɛkɛrə lonnii.

⁹ Nonon ɓo kɛɛ, pɛlɛ́ɠaai di di lonon di lɔwai, di kɛ a nu waa pow hveelɛ pulu nwun veelɛ

¹⁰ Yediɛlə nwɔɔ lon ma a: Bilhan. Bilhan lonnii ɓaa: Yeusə, Bɛnɉamɛn, Ehudə, Kenaana, Ɉetan, Tarsisə da Ahisaharə.

¹¹ Diɛi tii ɓə kɛ a Yediɛlə lonnii, a pɛlɛ́ nąmįną; di kɛ a nu waa pow kɔ́w mɛ̨ihveelɛ pulu nwun veelɛ, a kɔ́kulááɠaa, di hɛ̨ą yiliɛ kɔ-kɔ mɛ̨nį ɓa.

¹² Supimə da Hupimə di kɛ a Irə lonnii. Husimə ə ɓo a Aherə lon.

¹³ Nɛftali lonnii ɓaa: Yahasiɛlə, Guni, Yesɛrə da Salumə. Di kɛ a Bilha mąnįni.

Manase nwɔ pɛlɛ́i

¹⁴ Manase lon maa: Asriɛlə da Makirə, yai ə gaa Aramə nɛ̨ɛ̨nu ta ɓa, yai kɛ a Manase nɛ̨ą ta. Makirə ɓə kɛ a Galaadə nąn.

¹⁵ Makirə ə nɛ̨ɛ̨nu tɛɛ Hupimə pɔ, ə pənə, ə da tɛɛ Supimə pɔ. Mąąhala laa ɓaa kɛ a Maaka, veelɛnąą laa ɓaa: Selofehadə. Selofehadə nwɛi, nɛ̨ąą lɔ ɓə ə gaa.

¹⁶ Makirə ə lon gaa nɛ̨ą Maaka ɓa nwɔ̨nɔ̨, Maaka ə naa hee a Pɛrɛsə, yili nwɔɔ ləɠə laa ɓaa: Sɛrɛsə; Sɛrɛsə lonnii ɓaa: Ulamə da Rɛkɛmə.

¹⁷ Ulamə lon maa: Bedan. Diɛi tii ɓə kɛ a Galaadə lonnii, yai kɛ a Makirə lon, da Manase lon.

¹⁸ Galaadə mąąhala Molɛkɛtə, lon maa Isehodə, Aviɛzɛrə da Mala.

¹⁹ Semida lonnii ɓaa: Ahian, Sɛkɛmə, Likəhi da Aniamə.

Ɛfraimə nwɔ pɛlɛ́i

²⁰ Ɛfraimə nwɔ pɛlɛ́i: Sutela, Bɛrɛdə, Tahatə, Eleada, Tahatə,

²¹ Ɉavadə, Sutela, Ezɛrə da Eleadə. Gatə nuąi di di kaa nɔi, di di paa; mąąhɔlɔɓo, di pa, diɛ too di wɔɔ taatɛlɛɛɠaai hu, diɛ ɉəɠə.

²² Di nąn Ɛfraimə ə di wɔɔ mąąwɛli hee ɓo hvóló tamąą yee mu. Ɛfraimə gaayɔwɔɠaa di pa diɛ ɲɛ̨ikpala.

²³ Ɛfraimə ə bənə ə lon dakpɛli kaa nɛ̨ą ɓa, ə naa hee a: Beria; hvó gaai, nɛ̨ą ə lɛɛ bɔ nwɔ mąąwɛli hvóló hu.

²⁴ Non nɛ̨ɛ̨nu ɓaa Seera; yai Bɛtə-Horɔn tɔɔ nɛ̨ŋɛ̨ hu, ə Uzɛn-Seera tɔɔ ɲee nwuɔ̨.

²⁵ Pɛlɛ́i kulɔ Beria huwu hu, diɛ ɓaa: Rɛfa, Rɛsɛfə, Tɛla, Tahan,

²⁶ Laedan, Amihudə, Elisama,

²⁷ Nun da Ɉosue.

²⁸ Di wɔɔ lɔi, da di heeiɠaa ɓaa kɛ a: Betɛlə da ɲee mu lɔiɠaa; voló həɠə pələ, Naaran; voló tooi pələ, Gɛzɛrə da ɲee mu lɔiɠaa, Sisɛmə da ɲee mu lɔiɠaa, ə həli la Aya da ɲee mu lɔiɠaa diɛ.

²⁹ Yii kɛ Manase lonnii yəi, ya ɓaa kɛ a: Bɛtə-Sean da ɲee mu lɔiɠaa, Taanakə da ɲee mu lɔiɠaa, Megido da ɲee mu lɔiɠaa, ə lɛɛ, Dɔrə da ɲee mu lɔiɠaa. Daaɠaa tii ɓə Ɉosɛfə lonnii da Israɛlə lonnii di kɛ laa heeni.

³⁰ Asɛrə lonnii laa ka: Yimna, Yiswa, Yisvi, Beria da di mąąhala Sɛra.

³¹ Beria lonnii laa ka: Hebɛrə da Malkiɛlə. Malkiɛlə ɓə kɛ a Birzaitə nąn.

³² Yaflɛtə, Somerə, Hotamə da di mąąhala Sua, di nąn maa Hebɛrə.

³³ Yaflɛtə lonnii: Pasakə, Bimhalə da Aswatə; diɛ ɓə kɛ a Yaflɛtə lonnii.

³⁴ Gaayɔwɔ Sɛmɛrə lonnii laa ka: Roga, Yehuba da Aramə.

³⁵ Gaayɔwɔ Helɛmə lonnii laa ka: Sofa, Yimna, Selɛsə da Amalə.

³⁶ Sofa lonnii laa ka: Sua, Harnɛfɛrə, Sualə, Beri, Yimna,

³⁷ Bɛsɛrə, Hɔdə, Sama, Silsa, Yitran da Beera.

³⁸ Yɛtɛrə lonnii laa ka: Yefunɛ, Pispa da Ara.

³⁹ Ula lonnii laa ka: Ara, Haniɛlə da Risia.

⁴⁰ Nuą tii kəlee ɓə kɛ a Asɛrə lonnii, diɛ ɓo a pɛlɛ́ nąmįną, a nu mąąnwumąąɠaa, a kulááɠaa, da lɔi ɲɛ̨itɔwɔ nuą. Di huwu lonoi di mo gɔlaɠa hu, diɛi kɛ a kɔ-kɔ nuą, di kɛ a nu waa pow hveelɛ kɔ́w mɛ̨ida.