Kɔlɔnikɔ Maa-ŋuŋ 6 - Yálá laawoo hɛɓɛ (dc)

Levi nwɔ pɛlɛ́i mu nuą takpɛliɠaa

¹ Levi lonnii, diɛ ɓaa: Gɛrsɔmə, Kehatə da Merari.

² Gɛrsɔmə nwɛiɠaai laa ka: Livni, da Simei.

³ Kehatə lonnii ɓaa: Amramə, Yiseharə, Hebrɔn da Uziɛlə.

⁴ Merari lonnii ɓaa: Mali da Musi. Levi nwɔ pɛlɛ́i ka tii, yɛ bələi, bɛlɛ nąmįną laa ə kɛ la.

⁵ Nuąi kulɔ Gɛrsɔmə nwɔ pɛlɛ́i mu kpɔ a mąą haŋąą, diɛ ɓaa: Livni, Yahatə, Ɉima,

⁶ Yoa, Ido, Zera, da Yeotrai.

⁷ Kehatə nwɛiɠaai ɓaa: Aminadavə, Kore, Asirə,

⁸ Ɛlkana, Ɛviasafə, Asirə,

⁹ Tahatə, Uriɛlə, Uziya, da Saulə.

¹⁰ Ɛlkana lonnii ɓaa: Amasai da Ahimotə.

¹¹ Ahimotə lonnii ɓaa: Ɛlkana, Sofai, Nahatə,

¹² Eliavə, Yerohamə da Ɛlkana. Ɛlkana lon maa: Samuɛlə.

¹³ Samuɛlə lon dɔlɔɔ ɓaa: Yoɛlə, veelɛnąą ɓaa: Aviya.

¹⁴ Nuąi kulɔ Merari nwɔ pɛlɛ́i mu; Mali, Livni, Simei, Uza,

¹⁵ Simea, Hagiya da Asaya.

¹⁶ Nuą tii ɓə Davidə ə nwələ too mɛ̨nį tunwɔ̨n diɛ, Yai-Laa nwɔ pɛlɛ́i mu, ɓɛlɔwai lɔ mįnɛ̨ kəhi kaa pai heei la.

¹⁷ Diɛ ɓə kɛ nwələ toɔ mąą laa tɛɛ di pɔ gee kaa kələ lííla, ə lɛɛ la ɉu, Salomɔn yɛ pa kɛ pɛlɛ tɔɔi Yai-Laa ɓa Ɉerusalɛmə; di kɛi di wɔɔ tíɓoi tii kɛ, yɛ bələi di ɲɛlɛ lɛ la diɛ.

¹⁸ Nuąi kɛi díɓoi tii kɛ, di laa ka, da di wɔɔ lonnii; Kehatə lonnii lɔwai: Heman nwɔ pɛlɛ́i, diɛi di kaláni ɓaa; Yoɛlə, Samuɛlə,

¹⁹ Ɛlkana, Yerohamə, Eliɛlə, Toa,

²⁰ Sufə, Ɛlkana, Mahatə, Amasai

²¹ Ɛlkana, Yoɛlə, Azaria, Sefania,

²² Tahatə, Asirə, Ɛviasafə, Kore,

²³ Yiseharə, Kehatə, Levi da Israɛlə.

²⁴ Yili a həɠə laa, gaayɔwɔ Asafə yai kɛ mamįiyee hu. Asafə galáni ɓaa: Bɛrɛkiahu, Simea,

²⁵ Mikaɛlə, Baaseya, Malkiya,

²⁶ Ɛtni, Zera, Adaya,

²⁷ Etan, Zima, Simei,

²⁸ Yahatə, Gɛrsɔmə da Levi.

²⁹ Gaayɔwɔ Merari nwɔ pɛlɛ́i ə kɛ kɛɓɛyee hu; nui kɛ gbɔn ɲili ɲɛ̨i tɔwɔ ya ɓaa kɛ a Etan. Yiliɠaai di kaláni ɓaa: Kisi, Avdi, Malukə,

³⁰ Hasavia, Amasia, Hilkiya,

³¹ Amsi, Bani, Sɛmɛrə,

³² Mali, Musi, Merari da Levi.

³³ Levi huwu hu nuą yiiɠaa tii, di yee ə kɛ Yálá nwɔ pɛlɛ́i mu koló yiiɠaa tii diɛ.

³⁴ Aarɔn da nonnii ɓə di yee ə kɛ ɉaláá koló ɓa, Yálá mąąwiɛ haláá kulɔi, da nwulɔ kun nɛ̨ɛ̨ haláá kulɔi; ə mą kɛ, gɛɛnąą mąąhəɠɛɛ koló. Diɛ lɔ ɓə kɛi Israɛlə nuą mąąnɛ̨ɛ̨ mąą hvə Yálá ɓa, yɛ bələi, Yálá ŋą tímun Moisə, ə mąą hiɛ ɓo pələ tɛɛ la di pɔ.

³⁵ Aarɔn nwɔ pɛlɛ́i ka, yɛ bələi ə kulɔ la non Eleazarə hu, Pinasə, Avisua,

³⁶ Buki, Uzi, Zerahia,

³⁷ Merayotə, Amaria, Ahituvə,

³⁸ Sadɔkə, da Ahimaasə.

Taaɠaai di Levi lonnii laa hee mą

³⁹ Daaɠaa hu nuą ka, yɛ bələi di wɔɔ lɔi kaa la: Aarɔn lonnii, yɛ bələi Kehatə nwɔ pɛlɛ́i kaa la; diɛ ɓə tɔlɔɔ lɔi hɔlɔɓo, yɛ bələi gbɛɛn biliɛ ə nɛ la.

⁴⁰ Diɛ ɓə Hebrɔn taa ə lɛɛ di yəi, Ɉuda ŋą lɔi hu, da gwɛlɛ lɔi kəlee.

⁴¹ Kɛlaa, daaɠaai kɛ Hebrɔn yee mu, da ɲɛa kɔ́ɠɔɠaa, di lɛɛ a Yefunɛ lon Kalɛbə nwɔɔ.

⁴² Ə mą kɛ tii, mąąkilɛ taaɠaai di dɛɛ Aarɔn lonnii pɔ, diɛ ɓaa: Hebrɔn, Livna da gwɛlɛ lɔi, Yatirə, Ɛstemoa da gwɛlɛ lɔi,

⁴³ Hilɛzə da gwɛlɛ lɔi, Devirə da gwɛlɛ lɔi,

⁴⁴ Asan da gwɛlɛ lɔi, Bɛtə-Sɛmɛsə da gwɛlɛ lɔi,

⁴⁵ ə lɛɛ, Bɛnɉamɛn ŋą lɔi hu, di Gɛva da gwɛlɛ lɔi tɛɛ, Alɛmɛtə da gwɛlɛ lɔi, Anatotə da gwɛlɛ lɔi. Daaɠaa di dɛɛ di pɔ, gəlee pɛlɛɛ gee ɓa, ə kɛ a taa pow kɔ́w haaɓa.

⁴⁶ Kehatə lonnii yiiɠaa tii, yɛ bələi di wɔɔ pɛlɛ́ɠaai di kɛ la, gbɛɛn bilii di mo, taa pow ɓə di ɉɔlɔɓo Ɛfraimə huwu yəi, da Dan huwu, ə pɛlɛ la, Manase huwu bələ tɔ̨nɔ̨ ɓa.

⁴⁷ Gɛrsɔmə lonnii, yɛ bələi di wɔɔ pɛlɛ́ɠaai kaa la; di taa pow kɔ́w haaɓa hɔlɔɓo Isakarə huwu yəi, da Asɛrə huwu, Nɛftali huwu, ə lɛɛ da, Manase Basan lɔi ɓa.

⁴⁸ Merari lonnii, yɛ bələi di wɔɔ pɛlɛ́ɠaai kaa la; gbɛɛn biliɛ pulu, taa pow kɔ́w hveelɛ ɓə di ɉɔlɔɓo Rubɛn huwu yəi, da Gadə huwu, ə lɛɛ, da Zabulɔn.

⁴⁹ Israɛlə lonnii di daaɠaa tii tɛɛ Levi lonnii pɔ, bɛlɛɛ gwɛlɛ lɔiɠaa diɛ, a daatɛlɛɛɠaa laa mį́i.

⁵⁰ Daaɠaai kɛ Ɉuda lɔi ɓa, Simeɔn ŋą lɔi ɓa, da Bɛnɉamɛn ŋą lɔi, kpɛɛn mə daaɠaa tii lɛ, da di laaɠaa.

⁵¹ Kehatə lonnii yiiɠaa tii, di di wɔɔ taaɠaa hɔlɔɓo da gwɛlɛ lɔi, Ɛfraimə huwu yəi.

⁵² Nu mąąkilɛ taaɠaai di dɛɛ di pɔ: Sisɛmə da gwɛlɛ lɔi, Ɛfraimə yee hu, Gɛzɛrə da gwɛlɛ lɔi,

⁵³ Yɔkmeamə da gwɛlɛ lɔi, Bɛtə-Horɔn da gwɛlɛ lɔi,

⁵⁴ Ayalɔn da gwɛlɛ lɔi, Gatə-Rimɔn da gwɛlɛ lɔi,

⁵⁵ Manase huwu bələ tɔ̨nɔ̨ ŋą lɔi hu, Anɛrə da gwɛlɛ lɔi, Bileamə da gwɛlɛ lɔi. Kehatə lonnii yiiɠaa tii, yili ɓə kɛ a di wɔɔ.

⁵⁶ Gɛrsɔmə lonnii yɛ bələi di wɔɔ pɛlɛ́ɠaa kaa la, di Golan tii Basan da gwɛlɛ lɔi, Astarotə da gwɛlɛ lɔi; yili ɓə di ɉɔlɔɓo Manase huwu bələ tɔ̨nɔ̨ yəi.

⁵⁷ Isakarə nwɔ pɛlɛ́i: Kɛdɛsə da gwɛlɛ lɔi, Daveratə da gwɛlɛ lɔi,

⁵⁸ Ramotə da gwɛlɛ lɔi, Anɛmə da gwɛlɛ lɔi;

⁵⁹ Asɛrə nwɔ pɛlɛ́i: Masalə da gwɛlɛ lɔi, Avdɔn da gwɛlɛ lɔi,

⁶⁰ Hukɔkə da gwɛlɛ lɔi, Rehɔvə da gwɛlɛ lɔi,

⁶¹ ə lɛɛ, Nɛftali nwɔ pɛlɛ́i: Kɛdɛsə, yii kɛ Galile, da gwɛlɛ lɔi, Hamɔn da gwɛlɛ lɔi, Kiriataimə da gwɛlɛ lɔi.

⁶² Merari lonnii yiiɠaa tii, di Rimono da gwɛlɛ lɔi tɛɛ di pɔ, bɛlɛɛ Tabɔrə da gwɛlɛ lɔi ɓa, Zabulɔn lonnii di wɔɔ lɔi ɓa.

⁶³ Ɉurdɛn pulu pələ, Ɉeriko taa kwɛlɛ, Ɉurdɛn voló həɠəi pələ, Rubɛn huwu ŋą lɔi ɓa: Bɛsɛrə nɔi pun ɉu da gwɛlɛ lɔi, Yahsa da gwɛlɛ lɔi,

⁶⁴ Kedemotə da gwɛlɛ lɔi, Mefaatə da gwɛlɛ lɔi,

⁶⁵ Gadə huwu ŋą lɔi ɓa: Ramotə tii Galaadə da gwɛlɛ lɔi, Mahanaimə da gwɛlɛ lɔi,

⁶⁶ Hɛsbɔn da gwɛlɛ lɔi, Yazerə da gwɛlɛ lɔi.