Kɔlɔnikɔ Maa-ŋuŋ 4 - Yálá laawoo hɛɓɛ (dc)

Ɉuda pɛlɛ mu nuą

¹ Ɉuda lonnii laa ka: Pɛrɛsə, Hɛsrɔn, Karmi, Hurə da Sovalə.

² Reaya, Sovalə lon, ə Yahatə kaa, Yahatə ə Ahumai kaa da Lahadə. Nuąi kɛ a Sorea nuą, diɛ ka tii.

³ Etamə nąn Hurə lonnii laa ka: Izreɛlə, Yisma da Yidbasə; di mąąhala laa ɓa kɛ a Haselɛlponi.

⁴ Yili pulu, Gedɔrə nąn Penuɛlə, da Husa nąn Ezɛrə. Nuąi kɛ a Ɛfrata lon dɔlɔɔ Bɛtleɛmə nąn Hurə, nonnii laa ka tii.

⁵ Tekoa nąn Asehurə, nɛ̨ąni di kɛ hveelɛ, diɛ ɓaa: Hɛlea da Naara.

⁶ Asehurə ə Ahuzamə da Hefɛrə kaa Naara ɓa. Diɛ ka tii a Teman nuą da Ahastari nuą; nuąi kɛ a Naara lonnii diɛ ka tii.

⁷ Asehurə ə Sɛrɛtə, Soharə da Ɛtnan kaa Hɛlea ɓa.

⁸ Kɔsə ə Anuvə da Hasoveva di kaa, da Ahahɛlə pɛlɛ mu nuą, yai kɛ a Harumə lon.

⁹ Yaebɛsə ɓə ɓɛlɛ ə kɛ mą nąn nonnii lɔwai, ya ɓə gɛ, nee ə naa hee a Yaebɛsə. Nee ə mo yɛ diɛ: «Ŋą́ą́ non ŋɛ̨i hɔlɔɓo mɔ̨nɔ̨ hu.»

¹⁰ Yaebɛsə ə Israɛlə ŋą Yálái hvɛli, yɛ kɛ mą: «Akɛ yá lúwɔ́ too mą́ą́, ə́ nwɔ́ lɔi hu kɛnɛ̨; yá tɔɔ búlú, ə́ mɛ̨nį ɲɔ̨n mąą kwɛa mą́ą́, mɔ̨nɔ̨ hvo laa mɛ̨́i!» Mɛ̨nįi tii ə ɉuhvɛli, Yálá ə gɛ mą.

¹¹ Keluvə, yai kɛ a Suha nąn non, ə Mehirə kaa, yai kɛ a Ɛstɔn nąn.

¹² Ɛstɔn ə Bɛtə-Rafa kaa, ə Pasea da Tehina di kaa. Tehina ɓə kɛ a Irə-Nahasə nąn. Nuą tii ɓə kɛ a Reka nuą.

¹³ Kenazə nonnii laa ka: Otniɛlə da Seraya. Otniɛlə lon maa Hatatə.

¹⁴ Meonotai lonnii laa ka: Ofra da Seraya. Seraya ə Yoavə kaa, yai kɛ a Ge-Harasimə nąn; Ge-Harasimə ɓə kɛ a ɲɛlɛkɛ nuąi kɛ heeni ɲa-ɓoloon bɔ di kalaɓɔlɔ.

¹⁵ Yefunɛ lon Kalɛbə, ə lon gaa haaɓa, di laa ka: Iru, Ela, da Naamə. Ela lon maa a: Kenazə.

¹⁶ Yehalelɛlə lonnii laa ka: Zifə, Ɉifa, Tiria da Asareɛlə.

^17-18 Ɛzra lonnii laa ka: Yetɛrə, Merɛdə, Efɛrə da Yalɔn. Merɛdə nɛ̨ą Bitia ə kɛ a Eziptə ŋą heeɓomun non nɛ̨ɛ̨nu, nɛ̨ɛ̨nui tii ɓə Merɛdə ə Miriamə kaa mą, ə Samai da Yisba di kaa mą. Yisba ɓə kɛ a Ɛstemoa nąn. Merɛdə nɛ̨ą takpɛli ə kɛ laa, yɛ ɓo a Ɉude nɛ̨ɛ̨nu ta, da yili di Yɛrɛdə kaa, yai kɛ a Gedɔrə nąn; di Hebɛrə kaa, yai kɛ a Soko nąn; di Yekutiɛlə kaa, yai kɛ a Ɉanoa nąn. Bitia ŋɛ̨i kɛ a Eziptə ŋą heeɓomun lon nɛ̨ɛ̨nu, lon da Merɛdə di gaa, diɛ ka tii.

¹⁹ Hodiya ə Nahamə mąąhala həɠə a nɛ̨ą, di lon maa: Garmi yai nonnii ɓə di həɛ Keila; di lon dɔ̨nɔ̨ ɓaa: Maaka, yai kɛ a Ɛstemoa nuą di nąn.

²⁰ Simɔn lonnii laa ka: Amnɔn, Rina, Bɛn-Hanan da Tilɔn. Yisei lon maa Ɉohɛtə, da Ɉohɛtə lon.

²¹ Ɉuda lon Sela lon maa Ɛrə, yai kɛ a Leka nąn; non da ɓaa Laeda, yai kɛ a Maresa nąn, bɛlɛ́i tii ɓə kɛ a həɠə pala nuą, diɛi kɛ Bɛtə-Asbea.

²² Yokimə, da Kozeva nuą, Yoasə da Sarafə, diɛi kɛ di heɛ Moabə mɛ̨i, di pənə di pa Bɛtələhɛmə, yiliɠaai kaa a mɛ̨nį pɔlɔ.

²³ Nuą tii di kɛ a ləɠitɔɔ nuą, da hihɛn ɉi nuą. Di kɛ laa heeni diɛ tí di wɔ heeɓomun ma.

Simeɔn yəi bɛlɛ́n nuą

²⁴ Simeɔn lonnii laa ka: Nemuɛlə, Yamin, Yarivə, Zera, da Saulə.

²⁵ Sualə lon Salumə, Mivsamə, Misma.

²⁶ Misma lonnii: Hamuɛlə, Ɉakurə da Simei.

²⁷ Simei ə lon gaa pow hveelɛ kɔ́w hveelɛ; ɉinąą di ɓo a nu pow kɔ́w mɛ̨ida, nɛ̨ąą di ɓo mɛ̨ida. Kɛlaa gaayɔwɔɠaai kɛ a pɛlɛ́ nąmįną, di hvo lon damąą kaa. Ya ɓə gɛ, Simeɔn ŋą pɛlɛ́ɠaa di hvo tamą li yɛ, Ɉuda lonnii di wɛi.

²⁸ Di kɛ heeni Beɛrə-Seva, Molada, Hasarə-Sualə,

²⁹ Bilha, Esɛmə, Toladə,

³⁰ Betuɛlə, Hɔrma, Siklagə,

³¹ Bɛtə-Markavotə, Hasarə-Susimə, Bɛtə-Birei, da Saaraimə. Yiliɠaa ɓə kɛ a di wɔ taaleeɠaa, ə lɛɛ la ɉu, ə həli la Davidə ŋą tɔɔlaa yələi ɓa.

³² Di wɔɔ taa pɛlɛɛɠaai: Etamə, Ein-Rimɔn, Tokɛn, Asan; taa lɔɔli;

³³ ə pɛlɛ la daa-lee kwɛlɛ taa pɛlɛɛɠaa diɛ, ə pa ə həli la Baalə. Yili ɓə kɛ a di hee lɔiɠaa.

³⁴ Mesovavə, Yamlɛkə, Amasia lon Yosa,

³⁵ Yoɛlə, Yosivia lon Yehu, Seraya lon, Asiɛlə lon,

³⁶ Ɛlioenai, Yakova, Yesohaya, Asaya, Adiɛlə, Yesimiɛlə, Benaya,

³⁷ Ɉiza, Sifei lon, Alɔn lon, Yedaya lon, Simri lon, Semaya lon;

³⁸ Nuą tii di laa ka tii, di kɛ a pɛlɛ́ nąmįną, di wɔɔ pɛlɛ́ɠaai diɛ ɓuwuɓo.

³⁹ Di taɠa-taɠa, di li kpɔ, di həli Gedɔrə kwɛlɛ hvóló həɠəi pələ ɲa-ɓoloon bɔ. Di kɛi lɛa kala kwɛli di wɔɔ taatɛlɛɛɠaai mąą mɛ̨nį ɓa.

⁴⁰ Lii di mo, di kwiɛn a lɔi nɛ̨ɛ̨, nąą kɛnɛ̨, di wəli pulu laɠiɛɛ laa hvɛ-hvɛ. Nąą ɓə wɔlɔ Kamə kwəi lonnii di kɛ laa heeni.

⁴¹ Nuą ŋɛ̨i di kaa di kiliin ɉii, Ezekiasə kɛɛ a heeɓo Ɉuda lɔi mɛ̨i, ŋą tɔɔlaa yələi ɓə di paa la. Pai di mo, di Kamə kwəi lonnii tii huwu pu, di di mąąkilɛiɠaa kəlee taɠa kpɔ tɛ̨ɛ̨tɛ̨ɛ̨, di hee di heei, haa ɓa haa. Mąąhɔlɔɓo, nąą ə kɛ a taatɛlɛɛ tɔɔi lɛlɛɛ di mąą mɛ̨nį ɓa.

⁴² Simeɔn nwɔ pɛlɛ́i mu nuą taɠaa, di kɛ a nu nwun nɔɔli, di Edɔmə ɲee hu lɔi hɔlɔɓo, Yisei lonnii nąąn bɔ pələ; diɛ ɓaa: Pelatia, Nearia, Refaya da Uziɛlə.

⁴³ Di nɛ̨ɛ̨mą, di Amalɛkə huwu kpəli woloi kɛ laa, di di paa; diɛi tii di hee laa. Háá ɓaa háá, di kaa ni laa heeni.