Kɔlɔnikɔ Maa-ŋuŋ 24 - Yálá laawoo hɛɓɛ (dc)

Ɉaláá kulɔ nuą hee kpəlin na kɛ pələ

¹ Aarɔn lonnii di hee kpəlin na kɛ pələ ka: Aarɔn lonnii ɓaa: Nadavə da Avihu, Eleazarə da Itamarə.

² Nadavə da Avihu di haa di nąn dɔwɔ, di hvo lon gaa. Di ɉaláá kulɔ kóloɠaa hee Eleazarə da Itamarə di nwuɔ̨.

³ Davidə ə di hee kpəlin na kɛ, yɛ bələi di kɛ kólo ə kɛ la; ə Sadɔkə həɠə Eleazarə lonnii lɔwai, ə Ahimelɛkə həɠə Itamarə lonnii lɔwai.

⁴ Kɛlaa, Eleazarə lonnii hinąą tamąąi kɛ ə tɛɛ Itamarə lonnii diɛ. Eleazarə lonnii di kɛ a pɛlɛ́ nąmįną pow kɔw mɛ̨ida, Itamarə lonnii di ɓo a pɛlɛ́ nąmįną mɛ̨ihaaɓa.

⁵ Nuą tii hee mɛ̨nį, di gbɛɛn bili, əgɛ, di di hee kpəlin na kɛ di kɛ kóloɠaa hu Yálá nwɔ pɛlɛ́i mu. Mąąhɔlɔɓo, bələi lɔ Yálá ŋą nu kpɛa-kpɛaɠaa di kɛ la Eleazarə lonnii lɔwai, bələ lɔ ɓə ə kɛ la Itamarə lonnii lɔwai.

⁶ Semaya tii kɛ a Netanɛlə lon, ə kɛ a hɛɓɛ́ kɛmun Levi lonnii lɔwai; ə di laa pɛ̨ɛ̨ heeɓomun da dɔɔɓɛlaa, ɛlɛɛ, da ɉaláá laa həli mun Sadɔkə di ɲɛ̨i ɓa, ə kɛ tii, Ahimelɛkə, Abiatarə lon, ɉaláá laa həli pɛlɛ́ɠaa da Levi lonnii di ɲɛ̨i ɓa. Di pɛlɛ tɔ̨nɔ̨ həɠə Eleazarə nwɔ pɛlɛ́i mu a kpɛɛn, yili pulu, di pɛlɛ tɔ̨nɔ̨ həɠə Itamarə yəi bɛlɛ́n a kpɛɛn.

⁷ Gbɛɛn dɔlɔɔ ə kulɔ a Yehoyarivə laa, veelɛnąą ə kulɔ a Yedaya laa;

⁸ ɉaaɓanąą ə kulɔ a Harimə laa, nąąnnąą ə kulɔ a Seorimə laa,

⁹ Nɔɔlinąą ə kulɔ a Malkiya laa, mɛ̨idanąą ə kulɔ a Miyamin laa,

¹⁰ Mɛ̨ihveelɛnąą ə kulɔ a Hakɔsə laa, mɛ̨ihaaɓanąą ə kulɔ a Aviya laa,

¹¹ Mɛ̨inąąnnąą ə kulɔ a Yesua laa, bow nąą ə kulɔ a Sekaniahu laa,

¹² Bow kɔ́w tɔ̨nɔ̨nąą ə kulɔ a Ɛliasivə laa, bow kɔ́w hveelɛnąą ə kulɔ a Yakimə laa,

¹³ Bow kɔ́w haaɓanąą ə kulɔ a Hupa laa, bow kɔ́w nąąnnąą ə kulɔ a Yɛsɛveavə laa

¹⁴ Bow kɔ́w lɔɔlinąą ə kulɔ a Bilga laa, bow kɔ́w mɛ̨idanąą ə kulɔ a Imɛrə laa,

¹⁵ Bow kɔ́w mɛ̨ihveelɛnąą ə kulɔ a Hezirə laa, bow kɔ́w mɛ̨ihaaɓanąą ə kulɔ a Hapisesə laa,

¹⁶ Bow kɔ́w mɛ̨inąąnnąą ə kulɔ a Petahia laa, bow hveelɛnąą ə kulɔ a Yehezkɛlə laa,

¹⁷ Bow hveelɛ kɔ́w tɔ̨nɔ̨nąą ə kulɔ a Yakin laa, bow hveelɛ kɔ́w hveelɛnąą ə kulɔ a Gamulə laa,

¹⁸ Bow hveelɛ kɔ́w haaɓanąą ə kulɔ a Delayahu laa, bow hveelɛ kɔ́w nąąnnąą ə kulɔ a Maaziahu laa.

¹⁹ Bələi di di ɲąąkwɛlɛ la di wɔɔ kóloi hu, bələ ka tii. Əgɛ, diɛ lɔ Yai-Laa yəi bɛlɛ́n, yɛ bələi di nąn Aarɔn ə dɔ́n naa la, a bələi kpɔlɔɔ Yai-Laa Israɛlə nwɔ Yálá ə dí la.

Levi lonnii gbəliɠaa laa

²⁰ Levi lonnii gbəliɠaai lɛɛ diɛ ka: Amramə lonnii lɔwai Suvaɛlə; Suvaɛlə lonnii lɔwai Yehdeyahu.

²¹ Rehaviahu lonnii lɔwai, Yisiya ɓə kɛ a di ɲɛ̨itɔwɔmun.

²² Yiseharə lonnii lɔwai, Selomotə ɓə kɛ, Selomotə lonnii lɔwai Yahatə ɓə kɛ.

²³ Hebrɔn lonnii lɔwai, dɔlɔɔ ɓaa: Yeriyahu, veelɛnąą ɓaa: Amariahu, ɉaaɓanąą Yahaziɛlə, nąąnnąą Yekameamə.

²⁴ Uziɛlə lon Mika, Mika lonnii lɔwai, Samirə ɓə kɛ.

²⁵ Mika gaayɔwɔ Yisiya nonnii lɔwai Ɉekariahu ɓə kɛ.

²⁶ Merari lonnii, Mali da Musi, Yaaziyahu lon, non.

²⁷ Merari lonnii, Yaaziyahu lon nwɛi, Sohamə, Ɉakurə da Ivri.

²⁸ Mali nwɛi ɓa kɛ a Eleazarə, kɛlaa hvo lon ɉɔlɔɓo.

²⁹ Kisə lonnii di wɛi ɓa Yerahmeɛlə.

³⁰ Musi lonnii, Mali Edɛrə da Yerimotə. Bələ ɓə Levi lonnii di kɛ la da di wɔɔ pɛlɛ́ɠaai.

³¹ Diɛ kpɛlimąn, bələi tii di kaayɔwɔɠaai a Aarɔn lonnii di gɛ la, bələ lɔ ɓə di gbɛɛn bili la heeɓomun Davidə, Sadɔkə, Ahimelɛkə, da ɉaláá kulɔ pɛlɛ́ nąmįną ɲɛ̨i ɓa, ə pɛlɛ la Levi lonnii diɛ, bɛlɛ́ nąmįną, ə mą kɛ, nəɠə nwɔ pɛlɛ́ nąmįną diɛ.