Kɔlɔnikɔ Maa-ŋuŋ 2 - Yálá laawoo hɛɓɛ (dc)

Ɉuda nu huwu

¹ Ɉakɔbə, yai naa mɛ̨i hee ɓa kɛ a: Israɛlə, nonnii laa ka: Rubɛn, Simeɔn, Levi da, Ɉuda; Isakarə da Zabulɔn,

² Dan, Ɉosɛfə da Bɛnɉamɛn, Nɛftali, Gadə da Asɛrə.

³ Ɉuda lonnii laa ka: Ɛrə, Onan da Sela. Ɉuda ə non ɉaaɓai tii kaa Kanaan nɛ̨ɛ̨nui ŋɛ̨i kɛ a Sua mą. Kɛlaa, Ɉuda lon nu pɔlɔ laamun ŋɛ̨i kɛ a Ɛrə, ə ɉɔn gɛ a Yai-Laa, nwun ə lɛɛ ɉu.

⁴ Ɉuda ə lon gaa nonnɛ̨ą Tamarə ɓa, nonŋaa tii laa ka: Pɛrɛsə da Zera. Ɉuda lonnii di kɛ kɛa a nu lɔɔli.

⁵ Pɛrɛsə lonnii laa ka: Hɛsrɔn da Hamulə.

⁶ Zera lonnii laa ka: Zimri, Etan, Heman, Kalkolə da Dara; di kɛ a nu lɔɔli.

⁷ Karmi lon ma a: Akarə. Akarə tii ɓə gɛ mɛ̨nį ɲąąnwąnąą yɛ laa Israɛlə ɓa. Ya ka tii li, hɛn kɛ tɔ́n dɔɔ mą ə ɉəɠə a nwɔɔ.

⁸ Etan lon ma a: Azaria.

⁹ Hɛsrɔn lonnii laa ka: Yerahmeɛlə, Ramə da Kelubai.

¹⁰ Ramə lon ma a: Aminadavə. Aminadavə lon ma a: Nasɔn, yai kɛ a Ɉuda pɛlɛ́ nąmįną.

¹¹ Nasɔn lon ma a: Salma. Salma lon ma a: Boozə.

¹² Boozə lon ma a: Ovɛdə. Ovɛdə lon ma a: Ɉɛse.

¹³ Ɉɛse lon dɔlɔɔ ɓa a: Eliavə, veelɛnąą ɓa a: Avinadavə, ɉaaɓanąą ɓa: Simea,

¹⁴ nąąnąa ɓa: Netanɛlə, nɔɔlinąą ɓa: Radai,

¹⁵ Mɛ̨idanąą ɓa: Osɛmə, mɛ̨ihveelɛnąą ɓa: Davidə.

¹⁶ Di mąąhala ni ɓaa: Seruya da Avigailə. Seruya lonnii laa ka: Avsai, Ɉoabə da Asahɛlə; diɛ ka tii a nu haaɓa.

¹⁷ Avigailə lon maa Amasa, nąn ma a Ismaɛlə mun Yetɛrə.

¹⁸ Hɛsrɔn lon Kalɛbə ə lon ɉinąą kaa nɛ̨ą Azuva ɓa. Yeriotə lonnii laa ka: Yesɛrə, Sovavə da Ardɔn.

¹⁹ Azuva haa pulu, Kalɛbə ə Ɛfratə həɠə a nɛ̨ą, ə Hurə kaa mą.

²⁰ Hurə ə Uri kaa. Uri ə Besalɛlə kaa.

²¹ Yili pulu, Hɛsrɔn ə Galaadə nąn Makirə lon ɉəɠə a nɛ̨ą, ɓɛlɔwai yaa Makirə gaa kwɛlan ə kɛ la pow mɛ̨ida, ə Seguvə kaa mą.

²² Seguvə yaan, ə Yairə kaa; yili yaan mə taa kpɛa-kpɛaa pow hveelɛ kɔ́w haaɓa hɔlɔɓo Galaadə lɔi hu.

²³ Kɛlaa, Gesurə nuą, da Aramə nuą, di Yairə nwɔ yɛɛkɔwɔɠaa həɠə, di bɛlɛ Kenatə da ɲee mu hɛn gəlee ɓa, ə kɛ a taalee pow mɛ̨ida. Nuąi kɛ ɉu, gəlee di kɛ a Makirə lonnii, yai kɛ a Galaadə nąn.

²⁴ Hɛsrɔn haa pulu, Kalɛbə ə nąn Hɛsrɔn nɛ̨ą Ɛfratə həɠə, ə Asehurə kaa mą; yai kɛ a Tekoa nąn.

²⁵ Hɛsrɔn lon ɉulɔnu Yerahmeɛlə, yai kɛ a non dɔlɔɔ, nonnii laa ka: Ramə, ya ɓə kɛ a non dɔlɔɔ, Buna, Orɛn, Osɛmə, da Ahiya.

²⁶ Yerahmeɛlə nɛ̨ą takpɛli ə kɛ laa, diɛ kɛ mą: Atara. Atara ɓə kɛ a Onamə nee.

²⁷ Yerahmeɛlə lon dɔlɔɔ Ramə lonnii laa ka: Maasə, Yamin da Ekɛrə.

²⁸ Onamə lonnii laa ka: Samai da Yada. Samai nwɔ lonnii laa ka: Nadavə da Avisurə.

²⁹ Avisurə nɛ̨ą laa ɓa kɛ a: Avihailə; da yaa di Aban da Molidə kaa.

³⁰ Nadavə lonnii laa ka: Sɛlɛdə da Apaimə. Sɛlɛdə hvo lon gaa, yɛ haa.

³¹ Apaimə lon nɔ ɓa kɛ a: Yisei. Yisei lon maa: Sesan. Sesan lon maa: Alai.

³² Samai nəɠə Yada lonnii laa ka: Yɛtɛrə da Yonatan. Yɛtɛrə hvo lon gaa, yɛ haa.

³³ Yonatan lonnii laa ka: Pɛlɛtə da Ɉaza. Nuąi kɛ a Yerameɛlə pɛlɛ́i mu nuą, diɛ ka tii.

³⁴ Sesan yaa kpɛli, hvo lon ɉulɔnu kaa, kɛlaa, ə lon nɛ̨ąą kaa. Eziptə mun da ə kɛ Sesan, a luwɔ hilɛ, diɛ kɛ mą: Yara.

³⁵ Sesan ə non nɛ̨ɛ̨non dɔ̨nɔ̨ tɛɛ ŋą luwɔi Yara pɔ a nɛ̨ą; ə Atai kaa mą.

³⁶ Atai ə Natan kaa. Natan ə Ɉavadə kaa.

³⁷ Ɉavadə ə Ɛflalə kaa. Ɛflalə ə Ovɛdə kaa.

³⁸ Ovɛdə ə Yehu kaa. Yehu ə Azaria kaa.

³⁹ Azaria ə Hɛlɛsə kaa. Hɛlɛsə ə Eleasa kaa.

⁴⁰ Eleasa ə Sismai kaa. Sismai ə Salumə kaa.

⁴¹ Salumə ə Yekamia kaa. Yekamia ə Elisama kaa.

⁴² Yerahmeɛlə nəɠə Kalɛbə lon dɔlɔɔ Mesa, yai kɛ a Zifə nąn, ə lɛɛ da Maresa, yai kɛ a Hebrɔn nąn.

⁴³ Hebrɔn lonnii laa ka: Kora, Tapua, Rɛkɛmə da Sɛma.

⁴⁴ Sɛma ə Rahamə kaa; yai kɛ a Yɔrkeamə nąn. Rɛkɛmə ə Samai kaa.

⁴⁵ Samai lon ma a: Maɔn. Maɔn lon ma a: Bɛtə-Surə.

⁴⁶ Kalɛbə nɛ̨ą tɔ̨nɔ̨ Eifa ə Haran kaa, ə Mosa da Gazɛzə kaa. Haran ə Gazɛzə kaa.

⁴⁷ Yadai lonnii laa ka: Rɛgɛmə, Yotamə, Gesan, Pɛlɛtə, Eifa, da Saafə.

⁴⁸ Kalɛbə nɛ̨ą takpɛli nwɔ̨nɔ̨ yii di kɛi kɛ mą: Maaka, ə Sɛvɛrə da Tirana kaa.

⁴⁹ Kalɛbə nɛ̨ą Maaka, ə pənə nwɔ̨nɔ̨ ə Saafə kaa, yai kɛ a Madmana da Sewa di nąn; Makbena nąn, da Givea di nąn. Lon nɛ̨ɛ̨nu tanɔ̨n gbən nɔ ɓə Kalɛbə ə gaa, diɛ kɛ mą: Aksa.

⁵⁰ Diɛi kɛ a Kalɛbə nwɔ pɛlɛ́i mu nuą, diɛ ka tii. Kalɛbə lonnii takpɛliɠaa ka, diɛ ɓaa lonŋaai Kalɛbə ə gaa Ɛfrata ɓa: Hurə, di lon dɔlɔɔ, non ma a: Sovalə, ya ɓə a Kiriatə-Yearimə nąn;

⁵¹ Salma, Bɛtleɛmə nąn. Harɛfə, Bɛtə-Gaderə nąn.

⁵² Sovalə, Kiriatə-Yearimə nąn ə lonŋaa kaa, diɛ ɓaa: Haroɛ, da Menuhotə nuą bələ tɔ̨nɔ̨,

⁵³ ə lɛɛ, da Kiriatə-Yearimə nuą bələ tɔ̨nɔ̨; diɛ ka tii a Yitri nuą, Putə nuą, Suma nuą da Misrai nuą. Ɉuwui tii ɓə, Sore nuą, da Ɛstaɔlə nuą di kulɔ ɉu.

⁵⁴ Salma nwɔ pɛlɛ́i: Bɛtleɛmə nuą, Netofa nuą, Atrotə-Bɛtə-Yoavə nuą, Manahatə nuą bələ tɔ̨nɔ̨, da Sore bələ tɔ̨nɔ̨,

⁵⁵ ɛlɛɛ, da ɉɛɓɛ́ kɛ nuąi kɛ heeni Yaebɛsə, diɛ ɓaa Tirea nuą, Simeatə nuą, Suka nuą. Keni nwɔ pɛlɛ́i ka tii, diɛi kulɔ Hamatə huwu hu, Rekavə nwɔ pɛlɛ́i nąn.