Biblia Todo Logo
Bìoball air-loidhne

- Sanasan -

Yosue 19 - BII BILA


Lɛŋnde polale Simeɔn-nden le sɔla len

1 Mɛɛ nda mal siondei, mí polale Simeɔn-nden le sɔla bungɛi diinndɔɛi mɛɛ yungula ndalan la va yɛ. O lɛŋnde polale Yuda len le sɔla len tɛɛn bungɛi ndɛi va ni.

2 Kobila va o kɛ́ ndaa nin-ndan la yɔŋnun ndan ni: Bɛɛr-Seba, Seba, Molada,

3 Hasar-Sual, Baala, Esɛm,

4 Ɛltolad, Betul, Hɔrma,

5 Siklak, Bɛt-Markabɔt, Hasar-Susa,

6 Bɛt-Lebaɔt, Saruhɛn. La va faw-faw kobilan tɔ́ a layàá a cieon va lan o ba bɛngu-on.

7 Kobilan ndan la va vɛlɛ lecoo: Ayin, Rimɔn, Etɛr a Asan. Kobilan tan hiɔɔlu a cieon va lan o ba bɛngu-on,

8 kɔ bii a cieon balu kobila lan kpow-von, kɔlan tiiyaa háá Baalat-Beɛr a Rama co a ba too-o. Kon yɔŋnun kɛ́ɔ le polale Simeɔn-nden ni mɛɛ yungula ndalan la va yɛ.

9 Lɛŋnde polale Yuda len le va taw, mí le hiaw nda. Lelan, má kialu len lecoo, má ke polale Simeɔn-nden.


Lɛŋnde polale Sabulɔn-nden le sɔla len

10 Mɛɛ nda mal siondei, mí polale Sabulɔn-nden le sɔla bungɛi yàándɔɛi mɛɛ yungula ndalan la va yɛ. Mí pɛɛngula lɛŋnde ndalen la tiiyaa háá Sarid.

11 Mí la heelu a ba paalen le del-lo, mí la kɔa háá Mareala, mí la kɔ hiaw Dabesɛt, háá o pee pɔmbɔ tuusu Yɔkneam a ba paalen le can-ndo-o.

12 Cɔnɔnndo Sarid, mí la tundun a ba paalen le can-ndo, o pɛɛngulan a Kislɔt-Tabɔr, mí la kɔ fula Daberat, mí la hel háá Yafia.

13 O kon kɔɔli, mí la hiaw a ba paalen le can-ndo, mí la tiiya háá Kita-Hefɛr, mí la kei Ita-Kasin, mí la kɔ tiiya Rimɔn, mí la kɔ tundun a ba Nea-o.

14 Mí la kɔa a ba luaŋ-ndo, mí la kei Hannatɔn, mí la kɔ del o bóllo Yifta-Ɛl nin.

15 Lan la va vɛlɛ lecoo: Katat, Nahalal, Simrɔn, Yideala a Bɛtlɛhɛm. Faw-faw, kobilan tɔ́ a latiɔn a cieon pɔmbɔn va lan o ba bɛngu-on.

16 Kobilan ndan a cieon va lan o ba bɛngu-on yɔŋnun kɛ́ɔ le polale Sabulɔn-nden a yungula ndala yɛ́-yɛ́lan ni.


Lɛŋnde polale Isakar len le sɔla len

17 Mɛɛ nda mal siondei, mí polale Isakar len le sɔla bungɛi hiɔɔlundɔɛi mɛɛ yungula ndalan la va yɛ.

18 Pɛɛngula lɛŋnde ndalen la va keiyo Yisreɛl, Kesullɔt, Sunɛm,

19 Hafaraim, Sion, Anaharat,

20 Rabit, Kision, Abɛs,

21 Remɛt, Ɛin-Kannim, Ɛin-Hada a Bɛt-Pasɛs ni.

22 Mí la kei vɛlɛ a Tabɔr, Sahasima, Bɛt-Siemɛs, mí la kɔ tiiya Yurdɛn o peelo. Faw-faw, kobilan tɔ́ a laŋɔmpum a cieon va lan o ba bɛngu-on.

23 Kɛ́ va le yungula fula o polale Isakar len nin-ndan-ndo va kon ni.


Lɛŋnde polale Asɛr len le sɔla len

24 Mɛɛ nda mal siondei, mí bungɛi ŋuɛɛnundɔɛi sionnden le bii-e yɔngun yungula fula o polale Asɛr len nin-ndan.

25 Pɛɛngula lɛŋnde ndalen la va lan ni: Hɛlkat, Hali, Betɛn, Aksaf,

26 Alamelɛk, Amead a Miseal, mí la vɔɔsun pembei Karmɛl, mí la tuusu pee pɔmbɔɔ Sihɔr-Libnat a ba paalen le del-lo.

27 O kon, mí la tundun a ba paalen le can-ndo, mí la heelu a kpengii Bɛt-Dakɔn-nde, mí la kei o tàndá Sabulɔn-ndo nin a o bóllo Yifta-Ɛl nin. O kon, mí la kɔa a ba luaŋ-ndo, mí la kei Bɛt-Emɛk a Neiɛl, mí la tiiya Kabul o ba mɛllo coo.

28 Mí la kei Ebron, Rehɔb, Hamɔn a Kana, mí la kɔa háá Sidɔn-Bɛndoo.

29 O kon kɔɔli, mí la kɔa a kpengii Rama-e, mí la tiiya háá Tir, kobi va o kpakio nin-ndo pɛɛn. Mí la hiaw Hosa, mí la kei Aksib, mí la kɔ del o mɛmma ihɛllan coo,

30 mí la kɔa Umma, Afɛk a Rehɔb. Faw-faw, kobilan bidiin a latiɔn a cieon va lan o ba bɛngu-on va o lɛŋnde len nin ni.

31 Kɛ́ va le yungula fula o polale Asɛr len nin-ndan-ndo va kon ni.


Lɛŋnde polale Nɛftali len le sɔla len

32 Mɛɛ nda mal siondei, mí bungɛi ŋɔmpumndɔɛi sionnden le bii-e yɔngun yungula yɛ́-yɛ́la fula o polale Nɛftali len nin-ndan.

33 Mí pɛɛngula lɛŋnde ndalen la can Helɛf, mí la kɔa o yálán bɛndu va Saananim-ndo, mí la kei Adami-Nekɛv a Yabneɛl, mí la kɔ tiiya Lakum, mí la kɔ mɛɛlu Yurdɛn o peelo.

34 Mí la kɔ tundun a ba paalen le del-lo a kpengii Asnɔt-Tabɔr-e, mí la hiaw Hukɔk. Mi la demul tàndá Sabulɔn-ndo a ba too, a tàndá Asɛr-o a ba paalen le del-lo. Yurdɛn va pɛɛngula lɛŋnde kalalen a ba paalen le can-ndo ni.

35 Kobila va o kpakilan nin o tàndá kon nin-ndan la yɔŋnun ndan ni: Sidim, Sɛr, Hammat, Rakat, Kinnerɛt,

36 Adama, Rama, Hatsɔr,

37 Kedɛs, Adreyii, Ɛin-Hatsɔr,

38 Yireon, Mikdal-Ɛl, Horɛm, Bɛt-Anat a Bɛt-Siemɛs. Faw-faw, la va kobilan tɔ́ a laŋɔmahiɔɔlu a cieon va lan o ba bɛngu-on.

39 Kobila lan, a cieon va lan o ba bɛngu-on yɔŋnun kɛ́ɔ le yungula fula o polale Nɛftali len nin-ndan ni.


Lɛŋnde polale Dan-nden le sɔla len

40 Mɛɛ nda mal siondei, má ke yungula fula o polale Dan-nden nin-ndan bungɛi ŋɔmmɛwndɔɛi sionnden le bii-e.

41 Pɛɛngula lɛŋnde nda sɔla len la va lan ni: Sorea, Ɛstaɔl, Ir-Siemɛs,

42 Saalabin, Ayalɔn, Yitla,

43 Elɔn, Timna, Ekrɔn,

44 Ɛlteke, Kibetɔn, Baalat,

45 Yehud, Bene-Berak, Kat-Rimɔn,

46 mɛnndan Yarkɔn, Rakɔn a tàndá co Yopé ikɛi-yo.

47 Kɛ vanaa fula o polale Dan-nden nin-nda tiwba le lɛŋnde ndalen hiɔlɔɔ le. Le hee, má kuel Lesɛm a cɔwvo, má bii kobi kon, má diw vanaa va lon-nda kpow a mɔɔn cɔwvon. Mɛɛ nda cii kobi kon biyɔɔ, má cal lon, má ke kobi kalaa diola fuɲa nda mamaa aa Dan.

48 Kobilan ndan a cieon va lan o ba bɛngu-on yɔŋnun kɛ́ɔ le yungula fula o polale Dan-nden nin-ndan ni.


Kɛ́ Yosue sɔla-o

49 Lɔ́ɔ́ Israɛlla cii lɛŋnden piɔw-vo, má yɔngu Yosue, po Nun-ndo lɛŋnde ndɔlen nda tɛɛn.

50 Maa mɛɛ Mɛlɛka ndóò dimi yɛ, má ke ndu kobi ndóò yeema-o, Timnat-Sera pɛɛn, o tàndá n'pembu Efraim-ndo nin. Mó mingi kobi kon tangul.

51 Nuaa Eleasar vana-solia-lasálàá, Yosue po Nun-ndo a bolii lapangɛi cuavaa Israɛlla a piɔw lɛŋnden Israɛlla tɛɛn a siondei malɔɔ ni mɛɛ polama ndan ma va yɛ. Silo nda mal siondei Mɛlɛka o hɔl o cɛi-kola-toandaa-labɔɔŋianndo sondoo ni le lɛŋnde kalalen piɔwvo. Nuaa nda siow lɛŋnden piɔw ni.

© Alliance Biblique en Guinée

Bible Society in Guinea-Conakry
Lean sinn:



Sanasan